Video
Read full review
2018-09-26
743 views
已經有好幾年都冇食過雞煲喇,心血來潮又想一嚐雞煲嘅滋味,竟然俾我上openrice搵到呢間地點方便嘅舖頭,又可以食雞煲兼可以打邊爐食牛牛,仲唔一次過滿足哂兩個願望!!!店舖喺旺角新城嘅三樓全層,又方便又唔會難搵,上到嚟安排好座位之後,發現呢間火鍋店別有洞天,絕對係旺中帶靜嘅一處,兩個人坐卡位非常舒服,夠哂濶落。落單紙都算簡單,一張紙底面兩頁已經包含哂食物種類,所以兩個人都唔難作出決定點菜。遞上點單紙之後,職員就會送上呢個調味盤過嚟俾我哋隨意拿取,有芫茜+蒜蓉+辣椒+炸蒜+蔥花+唐芹六款,另外仲有醋同豉油。數分鐘之後,黃燜雞煲($158蚊)隨即送上...因為我哋得兩個人嘅關係,所以我哋覺得叫半隻就夠喇。職員哥哥放落去個爐之後話焗多兩三分鐘先,佢會再過嚟幫忙,然後佢一再打開蓋已經聽到滋滋嘅油彈聲,再炒幾下發出濃濃嘅香味...嘩~大家可以起筷喇
裡面啲雞好足料,無論雞翼,雞胸,雞頸,雞腳連雞翼尖都齊哂,雞肉燜得好腍又入味,就算我哋唔叫辣,味道都已經夠突出,熱到辣口都想一舊接一舊咁繼續食,肉質又夠滑又惹味,另外仲有啲都係入哂味嘅秀珍菇咁,淨係呢個頭炮雞煲已經令人極度期待嚟緊嘅火鍋喇。肉類我哋叫
店舖喺旺角新城嘅三樓全層,又方便又唔會難搵,上到嚟安排好座位之後,發現呢間火鍋店別有洞天,絕對係旺中帶靜嘅一處,兩個人坐卡位非常舒服,夠哂濶落。
落單紙都算簡單,一張紙底面兩頁已經包含哂食物種類,所以兩個人都唔難作出決定點菜。
遞上點單紙之後,職員就會送上呢個調味盤過嚟俾我哋隨意拿取,有芫茜+蒜蓉+辣椒+炸蒜+蔥花+唐芹六款,另外仲有醋同豉油。
黃燜雞煲(半隻)
$158
18 views
0 likes
0 comments
數分鐘之後,黃燜雞煲($158蚊)隨即送上...因為我哋得兩個人嘅關係,所以我哋覺得叫半隻就夠喇。職員哥哥放落去個爐之後話焗多兩三分鐘先,佢會再過嚟幫忙,然後佢一再打開蓋已經聽到滋滋嘅油彈聲,再炒幾下發出濃濃嘅香味...嘩~大家可以起筷喇 裡面啲雞好足料,無論雞翼,雞胸,雞頸,雞腳連雞翼尖都齊哂,雞肉燜得好腍又入味,就算我哋唔叫辣,味道都已經夠突出,熱到辣口都想一舊接一舊咁繼續食,肉質又夠滑又惹味,另外仲有啲都係入哂味嘅秀珍菇咁,淨係呢個頭炮雞煲已經令人極度期待嚟緊嘅火鍋喇。
雪花肥牛
$168
15 views
0 likes
0 comments
肉類我哋叫咗呢碟雪花肥牛($168蚊),職員嚟到嘅時候見到已經勁興奮,呢碟牛嘅賣相超靚,鮮紅得嚟又見到佢啲脂肪分佈勁均勻,切得又薄,仲要份量夠哂多,淥落去數一分鐘多啲已經熟喇即食!!!一分價錢兩分貨,肥牛質素超哂班,收呢個價錢絕對冇取巧亦合理非常。肉質新鮮,入口嫰滑而不失牛香,肥瘦剛好又冇筋又冇渣,真係覺得頂瓜瓜呢
回到味來手打牛拼盤
$158
14 views
0 likes
0 comments
回到味來手打牛拼盤($158蚊),可能我見識小我都未見過牛丸會咁樣放喺個咁特別嘅雲梯上面,充滿藝術感之餘又不失玩味。呢個拼盤係有手打牛肉丸+手打牛筋丸同埋手打牛肉餅,餐牌上面講得冇錯!絕對係必食推介嚟,手打牛丸扎實又彈牙,而牛筋丸就有咬口嚼勁,最特別就係切到薄片般嘅手打牛肉餅,有小小爽脆嘅感覺又充滿牛肉嘅香味。三樣食物無論口感同味道都係呢間店舖嘅獨有出品,外面未曾容易嚐到,真心推薦
炸魚片頭
$48
23 views
0 likes
0 comments
阿肥必點嘅炸魚片頭($48蚊),阿肥一向都好鍾意食魚片頭嘅,呢度呢碟新鮮即炸,啱啱好炸到金黃色,上碟嘅時候已經係熱辣辣就咁食都得,淥落去打邊爐就更加美味可口
大蜆
18 views
0 likes
0 comments
職員話呢六粒大蜆係送架,好開心估唔到送嘅都咁鮮甜仲要唔係BB蜆
蔬菜拼盤
$58
16 views
0 likes
0 comments
呢個蔬菜拼盤($58蚊)唔怪得之要等一段時間先送到嚟,見到即刻喜出望外,估唔到店舖會咁花心思咁樣將啲菜堆砌成一個花籃出嚟,女士見到一定覺得超驚喜又心甜拼盤果然好豐富,有生菜+金菇+白菜+菜心+粟米之外,仲有好大隻嘅冬菇,兩個人實在夠哂食,好滿足
兩個人埋單除番開每人大約三百零蚊,又有極品雞煲又可以享受高質素嘅火鍋料理,性價比十分之高,期待下次再嚟
Post
