潮膳 (Closed)

前幾曰俾我發現灣仔開咗間超正宗嘅潮州野，環境舒適，食物款式好多又正宗，而且服務非常好，真係要俾個like 佢。連平時少食潮州野嘅朋友都話想一食再食。鮮淮山豬肚湯真材實料，豬肚份量很多又好食，絕對係必點。普寧豆腐（3 件）外脆內軟，店員妹妹推薦我地配上潮州辣醬食，非常好食。五仁豆腐試完咸味普寧豆腐，等我介紹下甜甜地嘅五仁豆腐，五仁豆腐好滑，而且豆腐上面鋪滿香口嘅五仁，口感非常豐富，味道非常好。滷水豬耳（例）滷水食物款式非常好，最後點咗滷水豬耳，超好味，非常入味又惹味。反沙芋呢款係必點嘅潮式甜點，賣相非常靚，外層係香脆糖粉，內里係軟棉嘅芋頭。綠豆爽第一次食綠豆爽，非常有驚喜，味道吾太甜，很清潤。下次要試理佢滷水鵝同韮菜粿先。