北海道爐端燒 (Closed)

星期一唔一定係Blue Monday嘅，黎到尖沙咀呢間日式爐端燒專家，品嚐一下海鮮嘅滋味啦。一口氣點左浜燒鮑魚、蟹蓋同埋丸燒大帶子，上枱時候大家都相機食先，因為實在太搶眼。丸燒大帶子(蒜蓉牛油味)整隻呈上，加上金茹、青椒等配料等等，顏色固然特別eye catching，再以蒜蓉牛油汁配，加熱時候已經散發出吸引嘅香味，品嚐時，帶子肉、群邊都吸收晒牛油味香味，夠晒滿足! 接著浜燒鮑魚，加上清酒去煮，燒至鮑魚群邊微微起焦就已經可以進食。鮑魚帶有無窮鮮味，有彈牙口感，推烈推薦! 而浜燒蟹蓋有即拆嘅蟹肉、蟹膏、蔥花加上鵪鶉蛋，煮熟後混埋一齊進食，鮮味無比，亦有海鮮微咸嘅味道。接著仲有海膽、鰻魚、吞拿魚壽司，厚切嘅鰻魚配上蒲燒醬汁，滋味呈度當然無得擋。而海膽壽司嘅份量亦非常多，海膽份量幾乎滿瀉，入口絕之細滑順喉，真係好想食多幾件。