沙田強記雞粥 (Closed)

四個人，叫左雞粥，韮菜豬紅，椒鹽九肚魚，蠔餅，榣柱炒豆苗。招牌雞粥，果然係招牌貨，粥好有雞o既甜味，啖啖精華早已滲入熱熱o既粥裡面，叫人忍住熱都要大啖食... 唔好以為粥裡面Ｄ雞肉冇咩味，反而好有雞味呢 雞肉應該係後下o既~~好大窩，一人食左幾碗...蠔餅，激讚！平時食Ｄ蠔餅，多數都係煎蠔餅，佢地呢個係炸蠔餅，個樣好似KFC炸雞咁一件件，炸到好乾身，冇咩油，外面好香好脆，裡面Ｄ蠔嫩滑又大粒，好有鮮蠔味！一客蠔餅超大份，四個人都食唔晒，過足口癮！椒鹽九肚魚，很有水準，外面乾，裡面滑，好食！榣柱炒豆苗，不錯。韮菜豬紅，我唔係好識食，不過其他三友人都話好食。四個人，食唔晒，食到反晒艇，超級滿足，埋單竟然只雖＄３０３，真係抵到震！