Video
Read full review
2017-01-04
1868 views
今日又同珊瑚海食飯，佢最鍾意去啲有氣氛、食物好味、有酒飲嘅地方。於是揀咗呢間試吓，話說晚飯有個3x3+3嘅Pairing Menu，每人只需$468，抵食喎！ Iberico pork shoulder 'Tonnato'意大利文嘅Tonnato即係吞拿魚，呢度菜看似簡單，但其實魚味唔會好腥，豬肉嘅香及魚嘅鮮甜，令味道徘徊在似清又濃之間，醬汁更能將豬肉嘅鮮味大大提升；切得薄薄嘅豬肉雖然唔帶任何脂肪，但口感非常軟棉，而且唔覺得膩，真係超級好味；仲有其他小小嘅蔬菜粒點綴一吓，賣相都好色彩繽紛；食黑毛豬當然要配返杯西班牙嘅Cava氣泡酒啦，成個口成個胃都開晒呀！Hokkaido Scallop Trio Comb有趣嘅另一道頭盤，以烤、mousse及他他呢三種手法去煮北海道帶子。帶子夠晒厚肉，輕輕烤過後外層金黃，但入面依然雪白細嫩，再放啲番茄一齊食，酸酸哋更將帶子味道提升；第二款係mousse，我哋諗咗好耐究竟邊款係mousse？原來廚師先將帶子打碎，再搓成長條型，口感彈牙，夠晒有創意又花心機；他他就同平時食嘅帶子刺身差不多，鮮味勁突出，最能夠食到原汁原味嘅帶子味道。3款帶子都超級好味，真係
Iberico pork shoulder 'Tonnato'意大利文嘅Tonnato即係吞拿魚，呢度菜看似簡單，但其實魚味唔會好腥，豬肉嘅香及魚嘅鮮甜，令味道徘徊在似清又濃之間，醬汁更能將豬肉嘅鮮味大大提升；切得薄薄嘅豬肉雖然唔帶任何脂肪，但口感非常軟棉，而且唔覺得膩，真係超級好味；仲有其他小小嘅蔬菜粒點綴一吓，賣相都好色彩繽紛；食黑毛豬當然要配返杯西班牙嘅Cava氣泡酒啦，成個口成個胃都開晒呀！
Hokkaido Scallop Trio Comb
有趣嘅另一道頭盤，以烤、mousse及他他呢三種手法去煮北海道帶子。帶子夠晒厚肉，輕輕烤過後外層金黃，但入面依然雪白細嫩，再放啲番茄一齊食，酸酸哋更將帶子味道提升；第二款係mousse，我哋諗咗好耐究竟邊款係mousse？原來廚師先將帶子打碎，再搓成長條型，口感彈牙，夠晒有創意又花心機；他他就同平時食嘅帶子刺身差不多，鮮味勁突出，最能夠食到原汁原味嘅帶子味道。3款帶子都超級好味，真係食到冇停口，又要講野又要飲酒又要食，其實真係好忙！配合有清爽果香清嘅Sauvignon Blanc，啖啖礦物味都勁出，好有層次！
Iberico pork shoulder 'Tonnato', Hokkaido Scallop Trio Comb
56 views
0 likes
0 comments
Hokkaido Scallop Trio Comb
28 views
0 likes
0 comments
一上菜已經香到不得不得不得了嘅蒜蓉魷魚！呢個真係魷魚嗎？外層烤得好香脆，但點解食落可以完全唔老唔硬嘅？！火候拿捏得非常好，只要烤過龍少少，就會變得硬身，嘥料㗎喇！配合黑黑嘅墨魚蒜蓉汁，救命，珊瑚海不如你唔好食，俾晒我食啦好無？而家諗返起都流晒口水呀！呢個係配返帶子嗰隻酒，再飲多杯先！
Grilled squid with garlic & parsley
20 views
0 likes
0 comments
哇好大隻開邊虎蝦，一上菜啲鮮蝦味係湧埋嚟㗎，珊瑚海俾嘥你食喇。佢話食起上嚟啖啖肉，肉質既彈牙又香口又鮮甜，多重口感喎！呢個配有少少麝香味嘅白酒，唔錯
Sauteed tiger prawn with basil butter, Grilled squid with garlic & parsley
16 views
0 likes
0 comments
Sauteed tiger prawn with basil butter
18 views
0 likes
0 comments
一塊薄薄嘅牛扒上鋪滿蘑菇，牛扒肉質軟腍，肉汁豐沛，本身以為個蘑菇汁會好creamy好膩，但點知係咁夾！再有少少薯仔喺底，盡吸肉汁及蘑菇汁嘅精華，超級好味......
Steak '0' Sauteed fillet steak escalope with mushroom & mustard
11 views
0 likes
0 comments
羊前膝來自紐西蘭，用雜菜及紅酒燴起碼6個鐘，肉質相當軟嫩，入口即化，羶味算溫和，對於珊瑚海嚟講簡直唔夠臊，但對我呢個好唔鍾意臊味嘅人嚟講，都已經好臊，連掂過嘅risotto都食唔到；用上世界上最貴嘅香料番紅花嚟煮飯，我非常欣賞，佢最大嘅用途應該係將飯粒變色成高貴靚靚嘅金黃色，飯粒口感綿密，比傳統risotto軟稔得多，但又不失risotto應有嘅嚼勁，應該阿婆都食到！其實啲risotto暗地裡都有啲羊臊味，但實在太好味，所以我都忍唔住食晒冇掂過羊肉冇汁嗰啲飯嚟食，真係好好味！
Braised lamb shank with saffron risotto
18 views
0 likes
0 comments
非常有驚喜，冇諗過會由第一碟開始都最尾嗰碟都咁好味，仲要有wine pairing，性價比高得好緊要！環境又唔錯，最重要唔黑，起碼唔會食食吓瞌眼瞓吖！
Post
