Video
Read full review
2019-03-26
1047 views
係久違既韓牛啊！對上一次食韓牛已經係韓國旅行嘅時候，今次女友一話想食試，我呢個24孝男友當然做足research，上網搵到間食烤肉，又近女友返學地方，一於試下。餐廳提供多款套餐，我就揀咗呢個木槿花燒烤體驗套餐，$1000樓下。一坐低就有三款小食，當然少不了泡菜，另外仲有芽菜同洋蔥。前菜可以二選一，我地揀左韓牛他他。職員會幫你將所有食材包括雞蛋、梨、蔥花同生牛肉撈勻。生牛肉仍然非常嫩滑，食落無腥味，麻油令牛肉他他更香。下次去親韓國餐廳都要食牛肉他他作前菜。同時間上菜亦有季節限定頭盤，豆腐下面塗上芥茉醬，上面亦放左啲絲，囗感非常特別。成晚最期待已久嘅當然係韓牛，餐廳最正嘅係有專人幫我地燒，唔使搞到成個人充滿油煙味之外，唔會因爲自己燒得過熟而浪費左本身韓牛嘅價值。烤肉有牛肋骨，牛肉眼同濟州豬腩片。雖然同和牛相比，入口即融既感覺無咁強烈，但牛肉味比和牛更重。油脂味非常香，牛肉眼特別嫩滑。腩肉外表稍脆，味道超正燘韓牛肋骨超級驚豔，燘得腍軟入味，每啖肉都甜甜地之外仲非常juicy。入面有白蘿蔔、紅蘿蔔、栗子、合桃等配菜。紅蘿蔔吸收曬牛味濃郁嘅湯汁，非常入味。當然湯汁送飯亦係一流！相比燘韓牛肋骨，雪
餐廳提供多款套餐，我就揀咗呢個木槿花燒烤體驗套餐，$1000樓下。
一坐低就有三款小食，當然少不了泡菜，另外仲有芽菜同洋蔥。
前菜可以二選一，我地揀左韓牛他他。職員會幫你將所有食材包括雞蛋、梨、蔥花同生牛肉撈勻。生牛肉仍然非常嫩滑，食落無腥味，麻油令牛肉他他更香。下次去親韓國餐廳都要食牛肉他他作前菜。
同時間上菜亦有季節限定頭盤，豆腐下面塗上芥茉醬，上面亦放左啲絲，囗感非常特別。
成晚最期待已久嘅當然係韓牛，餐廳最正嘅係有專人幫我地燒，唔使搞到成個人充滿油煙味之外，唔會因爲自己燒得過熟而浪費左本身韓牛嘅價值。
烤肉有牛肋骨，牛肉眼同濟州豬腩片。雖然同和牛相比，入口即融既感覺無咁強烈，但牛肉味比和牛更重。油脂味非常香，牛肉眼特別嫩滑。
腩肉外表稍脆，味道超正
燘韓牛肋骨超級驚豔，燘得腍軟入味，每啖肉都甜甜地之外仲非常juicy。入面有白蘿蔔、紅蘿蔔、栗子、合桃等配菜。紅蘿蔔吸收曬牛味濃郁嘅湯汁，非常入味。當然湯汁送飯亦係一流！
相比燘韓牛肋骨，雪濃湯伴隨著濃濃牛骨香，鮮美卻毫不油膩。湯內有幾塊韓牛簿片同白蘿蔔，亦有麵（似上海幼麵）。自己鍾意逐羹逐羹白飯撈埋雪濃湯一齊食。
呢一餐令我諗起去馬場食1++韓牛既時候，價格的確比韓國食貴，不過間唔中都想食下高級韓牛！
Post
