Video
Read full review
2024-02-29
107 views
(回憶系列第二集)拒絕幫襯老麥多時，因為份量愈嚟愈少，由其係豬柳漢堡同薯餅! 價錢不停加但份量不停減，被迫放棄!但係..... 不竟..... 老麥都陪伴住香港人成長，當然包括我啦! 不少小朋友阿媽都未認得就已經認得老麥個 Logo，所以..... 做回憶錄，少不免都要講吓老麥.四十年來，邊間店舖嘅老麥仍然生存，記憶中..... 我只係記得太子哩間上二樓嘅老麥! 當然可能有其他分店，但當年我無幫襯過又無去過又無印象，所以暫時只打算寫哩間.又回帶返去四十年前，由老麥店舖望出去嘅風景，對面始創中心前身係兩間戲院，無記錯的話一間叫麗聲一間叫凱聲，當然幫襯過但忘記睇咩電影，聯合廣場前身係一間叫大大百貨公司嘅總店，聯合廣場同始創中間係油站，依家已變成公園.當年老麥店舖其中一個特色係正方形唔係木質嘅木紋地板，深圳黃貝嶺有間老麥，之後轉手做咗小籠包店，但地板仍然係舊老麥地板，總係格格不入，餐廳買小籠包，地板係回憶漢堡包! 而太子哩間分店地板亦已經唔係當年木紋地板，轉為白色地板.今次嚟幫襯，當然係點最不滿嘅豬柳蛋漢堡，睇吓有無好轉，另外炸雞細隻到好似炸乳鴿，又睇睇份量如何先? 而老麥亦不負眾望，豬柳蛋
拒絕幫襯老麥多時，因為份量愈嚟愈少，由其係豬柳漢堡同薯餅! 價錢不停加但份量不停減，被迫放棄!
但係..... 不竟..... 老麥都陪伴住香港人成長，當然包括我啦! 不少小朋友阿媽都未認得就已經認得老麥個 Logo，所以..... 做回憶錄，少不免都要講吓老麥.
四十年來，邊間店舖嘅老麥仍然生存，記憶中..... 我只係記得太子哩間上二樓嘅老麥! 當然可能有其他分店，但當年我無幫襯過又無去過又無印象，所以暫時只打算寫哩間.
又回帶返去四十年前，由老麥店舖望出去嘅風景，對面始創中心前身係兩間戲院，無記錯的話一間叫麗聲一間叫凱聲，當然幫襯過但忘記睇咩電影，聯合廣場前身係一間叫大大百貨公司嘅總店，聯合廣場同始創中間係油站，依家已變成公園.
當年老麥店舖其中一個特色係正方形唔係木質嘅木紋地板，深圳黃貝嶺有間老麥，之後轉手做咗小籠包店，但地板仍然係舊老麥地板，總係格格不入，餐廳買小籠包，地板係回憶漢堡包! 而太子哩間分店地板亦已經唔係當年木紋地板，轉為白色地板.
今次嚟幫襯，當然係點最不滿嘅豬柳蛋漢堡，睇吓有無好轉，另外炸雞細隻到好似炸乳鴿，又睇睇份量如何先? 而老麥亦不負眾望，豬柳蛋仍然偷工減料，網上已經被網民話變成馬卡龍都係唔改! 上層同底層麵包份量明顯唔同，上層明顯大縮水，有相有真相，甚至依家連塊豬柳都無咩味!
唔俾負評已經算係咁.
炸雞原身一定係隻BB雞仔，上脾長度只有一包泰式醬嘅 size，而且味道帶辣，小朋友可能唔多 like.
總之點個巨無霸啦，因為巨無霸更貼題，四十年前巨無霸有首打油詩㖭，不過無啦.... 都唔再打算幫襯......
(註：回憶系列係搵一D小弟係四十年前曾經幫襯過或遇見過嘅餐廳，不論好味與否，不論是否已轉名轉手.)
Post
