뽀끼 正宗韓國小食 (Closed)

今日貓貓去旺角配完韓式眼鏡，就決定食韓式野黎襯返今日靚靚既韓式心情。因為貓貓好肚餓，所以叫左好多野食。韓式醬烤雞，想食好耐。啱啱整出黎，香噴噴。烤雞出邊表層好香，唔知用咩黎整。食韓國街邊小食梗係要食奧丁。奧丁配埋湯底一齊食，暖笠笠。由於貓貓好掛住明洞既炸醬麵，所以叫左個炸醬麵試下。炸醬麵份量好多，味道同韓國食既一樣。貓貓鍾意食佢個麵，質感好，而且索曬炸醬，味道足，食完已經好飽。貓貓身為港貓，大食係基本啦！即刻叫多個韓式壽司卷過下口癮，反正兵仔比錢。壽司卷都幾足料，可以見到d料係多過飯，好抵呀。入口就食到麻油味，好香，呢個好食又抵食，貓貓自己一個食曬，兵仔睇住我食表示滿足。原來店員有個係韓國人，我諗野食都真係好正宗。