Video
Read full review
2007-09-02
10 views
小肥:雖然好多人會話呢類連鎖式回轉壽司冇靈魂(尤其係D Staff o個d "二三四" o既日文)又冇諴意, 但係我同大肥都間唔使會幫襯元氣o架! 其實相比同類型o既壽司店元氣算係最好o架喎! 同埋雖然冇驚喜, 但至少唔會難食呀! 有時唔想煩, 唔想用腦, 但又有時間排隊o既話都係唔錯o既選擇呀~ 上星期有一晚o係UA睇戲, 唔知食乜又見唔係要等好耐, 就再o黎幫襯啦. 我地一坐低就好快咁點o左我地常叫o既帶子, 芥辣八爪魚, 北寄貝沙律, 三文魚, 甜蝦, 蝦沙律, 元氣巻同炸蝦巻, 其中我o既至愛係芥辣八爪魚, 點埋多多wasabi簡直係刺激呀! 要食到標眼水先開心, 另外蝦沙律我記得應該係較新o既口味, 佢總係令我諗起滑蛋蝦仁! 食完一round我地就加多2個蒸蛋, 一客泡芙同1個手巻(大肥食o既), 呢度o既蒸蛋雖然用料係好普通, 又唔係乜o野貴價, 但係好滑好好味, 泡芙都係比較新o既, 都幾好味o架~服務就算係滿意啦, 當晚有個女仔可能係新o黎, 比較黱雞, 佢送o野o黎我地講少少o野, 或者有少少反應佢都好驚咁望番我地, 驚死做錯o野咁, 不過當然唔會令我反感, 反而覺得
雖然好多人會話呢類連鎖式回轉壽司冇靈魂(尤其係D Staff o個d "二三四" o既日文)又冇諴意, 但係我同大肥都間唔使會幫襯元氣o架! 其實相比同類型o既壽司店元氣算係最好o架喎! 同埋雖然冇驚喜, 但至少唔會難食呀! 有時唔想煩, 唔想用腦, 但又有時間排隊o既話都係唔錯o既選擇呀~
上星期有一晚o係UA睇戲, 唔知食乜又見唔係要等好耐, 就再o黎幫襯啦. 我地一坐低就好快咁點o左我地常叫o既帶子, 芥辣八爪魚, 北寄貝沙律, 三文魚, 甜蝦, 蝦沙律, 元氣巻同炸蝦巻, 其中我o既至愛係芥辣八爪魚, 點埋多多wasabi簡直係刺激呀! 要食到標眼水先開心, 另外蝦沙律我記得應該係較新o既口味, 佢總係令我諗起滑蛋蝦仁! 食完一round我地就加多2個蒸蛋, 一客泡芙同1個手巻(大肥食o既), 呢度o既蒸蛋雖然用料係好普通, 又唔係乜o野貴價, 但係好滑好好味, 泡芙都係比較新o既, 都幾好味o架~
服務就算係滿意啦, 當晚有個女仔可能係新o黎, 比較黱雞, 佢送o野o黎我地講少少o野, 或者有少少反應佢都好驚咁望番我地, 驚死做錯o野咁, 不過當然唔會令我反感, 反而覺得佢幾得意.
p.s. 我地四月去台灣時試過當地o既元氣, 不論價錢, 質素, 款式都比香港吸引, 有機會大家都不妨一試, 同埋有VIP的話, o係當地都會有折o架喎! 我都想再去食多次呀!
大肥:
記得幾年前迴轉壽司岩岩興起既時候，元祿係首選，但質素就越黎越差，再慢慢俾元氣爬過頭，但而家通街都係迴轉壽司既時候，元氣雖然唔可以話係食迴轉壽司首選，但一定會係穩陣之選。其實而家既元氣雖然比起以前係差左少少，但仍然有佢既獨特之處，否則都唔會間間都要排長龍啦。
首先講下必食推介，軟殼蟹手卷，脆脆既紫菜同軟殼蟹再加上佢地既沙律汁，味道非常好，沙律醬中和左軟殼蟹既油味亦提升左整體既味道。辣味三文魚，適中既辣味同三文魚既鮮味配合得岩岩好。帶子壽司，絕個人喜好，當然好既帶子係唔可以有鯹味，哩度都算做得到。元氣卷，好似越做越差，三文魚越黎越細塊，中間既三文魚皮就越黎越硬，雖然如此，但因為食開有癮，所以仍然係我既必食清單。炸蝦卷，味道始終如一，哩個都算係保持得最好既一款壽司。北寄貝沙律，味道依然吸引，但料就越黎越少啦。燉蛋，蓮子同忍者小靈精(即係好似忍者小靈精塊面既魚蛋)，仲有唔知係咪魚翅既翅，全部都十年如一日。其實仲有好多新款壽司，但感覺總係比唔上以上經典選擇。除左價錢靜靜咁加左之外，其餘既野，大致上都仍然係迴轉壽司中中上之選。加上有元氣卡，感覺上係好d，但而家元氣卡越黎越難續啦，仲有幾年先有一次機會。
Post