Video
Read full review
2011-10-09
3615 views
$138 套餐有 6 道菜?! 仲要又鮑魚又燕窩花膠羹又和牛/龍蝦, 究竟咩胡廬賣咩藥呢?抱有懷疑心態, 黎到景逸軒, 係時候揭曉謎底啦.環境唔錯, 冇乜人, 又幾寬敞. 雖然間野似在商場多過似在酒店, 但係可能冇乜客又多職員既關係, 加上有個強勢經理睇實, 服務好周到.先上檯既, 係冰鎮鮑魚.見其他人彈話冇味, 其實唔係蠔油汁蚊既, 又好難好濃味. 基本上鮑魚同魚翅都係食質感多過食味道, 味就係靠汁加落去. 只係隻隻鮑魚賣相唔同, 如果唔係一家人黎, 我睇你隻你睇我隻, 見到差得遠就實唔高興, 覺得唔公平.跟住就係羹, 佢有 3 款, 最抵食應該就係燕窩花膠海皇羹, 但係為左試其他味, 都有叫到其他, 好似呢張相既蟹肉海皇燴花膠羹, 蟹肉都幾足料.到主菜啦, 咁多人, 每人叫一款, 就可以試晒咁多款啦.有堂煎和牛, 有 D 筋, 難鋸同埋有少少韌, 但係佢賣相好好, 有沙律菜伴住, 又有洋蔥圈墊底.有法式煎石斑扒, 個黃色汁幾好食, 都係又有沙律菜伴住, 又有法色焗蕃茄.有金蒜粉絲蟶子皇, 我唔多食海鮮, 屋企人食, 不過佢地冇彈就即係冇問題啦.有芝士波士頓龍蝦配伊麵(半隻), 麵幾
抱有懷疑心態, 黎到景逸軒, 係時候揭曉謎底啦.
環境唔錯, 冇乜人, 又幾寬敞. 雖然間野似在商場多過似在酒店, 但係可能冇乜客又多職員既關係, 加上有個強勢經理睇實, 服務好周到.
先上檯既, 係冰鎮鮑魚.
見其他人彈話冇味, 其實唔係蠔油汁蚊既, 又好難好濃味. 基本上鮑魚同魚翅都係食質感多過食味道, 味就係靠汁加落去. 只係隻隻鮑魚賣相唔同, 如果唔係一家人黎, 我睇你隻你睇我隻, 見到差得遠就實唔高興, 覺得唔公平.
跟住就係羹, 佢有 3 款, 最抵食應該就係燕窩花膠海皇羹, 但係為左試其他味, 都有叫到其他, 好似呢張相既蟹肉海皇燴花膠羹, 蟹肉都幾足料.到主菜啦, 咁多人, 每人叫一款, 就可以試晒咁多款啦.
有堂煎和牛, 有 D 筋, 難鋸同埋有少少韌, 但係佢賣相好好, 有沙律菜伴住, 又有洋蔥圈墊底.
有法式煎石斑扒, 個黃色汁幾好食, 都係又有沙律菜伴住, 又有法色焗蕃茄.
有金蒜粉絲蟶子皇, 我唔多食海鮮, 屋企人食, 不過佢地冇彈就即係冇問題啦.
有芝士波士頓龍蝦配伊麵(半隻), 麵幾好食, 因為有麵應該係咁多個主菜中最飽肚果個
竹笙花野菌浸時蔬 / 翠塘海鮮豆腐 / 瑤池貴花雞海鮮豆腐好滑好鮮味, 雞雖然得幾件, 但質素都覺得幾好.
最後就係甜品, 香芒凍布甸/薑茶湯丸個薑茶幾堅, 幾辣下, 如果少返 D 薑就唔錯. 香芒凍布甸都幾好.
全個餐份量的的色色, 對於唔大食既屋企人就岩岩好, 我就唔多夠. 野食幾新鮮幾鮮味, 算係補返份量上既不足.
係臨尾可能經理走左, 服務散慢左少少, 侍應當堂冇一開頭咁醒目, 本黎 100 分 跌左落 90 分. 不過都仲係好過香港好多酒樓餐廳既服務水準, 因為市面好多食肆既服務水準, 連 50 分合格都講唔上.
Post
