大榮華圍村菜 (Closed)

最近食過蓮香棧覺得嘛嘛，今日誓要食啲正宗啲好味啲嘅懷舊圍村風味。一班人來到灣仔飲茶，食番幾個懷舊點心和圍村菜，都不知幾爽。【椒絲腐乳豬肉眼筋】呢個部位嘅豬肉炒起來原來係好腍滑，配埋較重口味嘅椒絲腐乳通菜一齊食，真係好味到不得了。【鹹鮮鎗魚蒸】用斤幾重嘅鎗魚係至理想。用鹽醃勻全身，風乾，鹽份滲入魚身，蒸出來就充滿鹹香味，而且仲保留魚嘅鮮味。【梅子酸菜蒸鱔】鱔蒸到剛剛熟，保持魚肉嫩滑。梅子和酸菜一酸一甜互相發揮作用，令魚味更為突出。【雞球大包】必食之選，大大個，雞肉燒賣包晒入去，啖啖肉。【沙薑雞腳】愛 “蒜”雞腳的人一定鍾意食。【山竹牛肉】、【乾蒸牛肉】兩款牛肉都有馬蹄，所以食落好爽口。【叉燒腸粉】皮薄滑。【枝竹豬肚】又爽又腍。全部嘢食都好有懷舊風味，而且好好食，完勝蓮香棧。