味苑 (Closed)

一大班朋友去食飯，最常食既都係圍餐，揀好個餐就得啦~~唔駛煩~~哈哈哈哈~今日就揀咗味苑，淨係見門口就已經覺得充滿中國風架啦~ 有樓上同樓下，今次坐樓上，雖然有少少迫，但係大家都熟就無咩所謂啦~  成餐最鐘意既一定係個燉湯啦~羊肚菌豬𦟌燉湯，平時日忙夜忙邊有咁多靚湯飲呀~~趁機飲咗去潤番下先~ 成盅湯都好足料呀~~~ 食方便就最欣賞好幾道菜式都係鴛鴦配搭，例如魚，牛，飯都有~ 魚呢，就一邊係骨加辣的，另一邊就炒球。適合愛辣同唔愛辣的人去食。 牛就有一邊係酥炸，脆漿值得一讚，正宗外脆內軟。 另一款牛就係黑椒汁，但唔辣的，唔喜歡炸物既朋友食黑椒汁就啱啦。飯就係傳統鴛鴦飯，愛濃味就揀蕃茄汁，愛淡味一點就白汁會比較適合。