Video
Read full review
2009-01-02
9 views
成為左Open Rice既會員(話自己係食家太誇XD)之後激起左我每日都要試一款新美食既新年大計!!!哈哈哈哈哈~~~~~今日又訓到成一點鐘,起身食左淨返最後一片尋日買既Panash鄉軟法包係我千叮萬囑叫爸爸留返一片俾我架!哈哈哈再沖左姑媽買既廣吉食品既納豆松茸飲品加麥片~佢話冇加味精,但真係好咸,咸到死!!!食完要不停飲水!!!馬玉山既客家擂茶好味好多!!!又濃多料!!!呢隻納豆松茸又咸又冇料又稀,仲要真係好似杯麵湯既味,零個似健康食品(所列既卡路里係幾低下),睇過又唔平,$44.5/十包!!!食完野就出去恆生銀行幫個朋友入埋張支票,同打算今日行下油麻地步行街,太子呢排行得太多喇~經過新之城果邊,於是上去對面樓上舖ROXY睇下有冇新款袋岩我返學~點知仲做緊全部貸品買滿$500即減$250既優惠,呢個優惠我12月中奪命連考完3日後去行尖咀Sogo時得知~但果次行晒尖咀Sogo同海運LCX既ROXY都睇唔岩真係一見鐘情既袋~雖然買滿$500即減$250真係好抵,但冇奶油明明唔係真咁鐘意而為抵而買架嗎~表面買滿$500即減$250只係半價,但佢係包括全部貸品,即係新貨都有半價喎!!!同埋電
哈哈哈哈哈~~~~~
今日又訓到成一點鐘,起身食左淨返最後一片尋日買既Panash鄉軟法包
係我千叮萬囑叫爸爸留返一片俾我架!哈哈哈
再沖左姑媽買既廣吉食品既納豆松茸飲品加麥片~
佢話冇加味精,但真係好咸,咸到死!!!食完要不停飲水!!!
馬玉山既客家擂茶好味好多!!!又濃多料!!!
呢隻納豆松茸又咸又冇料又稀,仲要真係好似杯麵湯既味,零個似健康食品(所列既卡路里係幾低下),睇過又唔平,$44.5/十包!!!
食完野就出去恆生銀行幫個朋友入埋張支票,同打算今日行下油麻地步行街,太子呢排行得太多喇~
經過新之城果邊,於是上去對面樓上舖ROXY睇下有冇新款袋岩我返學~
點知仲做緊全部貸品買滿$500即減$250既優惠,呢個優惠我12月中奪命連考完3日後去行尖咀Sogo時得知~
但果次行晒尖咀Sogo同海運LCX既ROXY都睇唔岩真係一見鐘情既袋~
雖然買滿$500即減$250真係好抵,但冇奶油明明唔係真咁鐘意而為抵而買架嗎~
表面買滿$500即減$250只係半價,但佢係包括全部貸品,即係新貨都有半價喎!!!
同埋電話繩,belt,銀包,飾物呢D好似唔減架嗎~
Sales話做到1月4,之前夠話做到12月2X,但而家咁既市道,所有公司更加要鬥平~
但呢個優惠真係抵既,大家可以去睇睇~
今次我既Mr. Right Bag終於出現喇! ! ! ! !不論顏色,款色,圖案,大小,價錢都十分IDEAL! ! !
最後一個袋+一條頸鏈岩岩好$500減$250! PERFECT呀! ! !
血拼到忘我,一血拼完就好餓 XD
對於我黎講血拼可以令我忘記肚餓,可以減月巴又有新衫褲鞋袋,俾去纖體公司更化算~哈哈哈
終於買到袋,就麻想行油麻地步行街喇,費事忍唔到手~
最後決定去好景商場果頭覓食~因為想去大家介紹既明華餅家睇下~
經過築地見到新鮮熱辣既章魚丸大大粒真係係好吸引! ! !
未食過築地加上好耐冇食而好恨食章魚丸,但$18/4粒太貴了! ! !
但賤茄話佢覺得平D既日之船反而仲好食!
加上我拎住一大袋,行到好攰,但佢又冇位坐又迫迫夾,我最後決定放棄佢!
我食美食(不分平貴)既宗旨係要坐低慢慢品嚐同享受! ! ! 我份人真係好麻煩架~哈哈哈
離遠已經望到明華餅家好多人買野,行到埋去,大部份排隊既人都係買燒餅~
有好多個,可能岩岩出爐,我怕油(即係月巴喇),於是又放棄佢!(再次證明我份人真係好麻煩XD)
於是行上前面既「上海美食」蒸包店睇~
第一見經過知道有呢間鋪時(應該係07年1月,去上海exchange前)試過佢既迷你馬拉盞,$2
細細個,唔會好甜,飽但口痕想試下又或者好肚餓未搵到食店前頂住個肚先又得! 得左!
今次見到奶皇卷,一圈圈好得意,賣相都做得幾圓,唔會話求求其其一圈大一圈細,$3
咦!未買得住!見都對面開左間聖安娜西餅,都係睇埋先決定~!
一直覺得聖安娜西餅都執晒咁滯,加上係我印象中佢既麵包西餅都唔吸引~
但之從上次係大角咀港灣豪庭千色店同佢重遇,見到佢而家D包餅好似幾吸下~
款色都幾多,健康之選亦唔少,賣相個個都大大個,脹卜卜,好憎美心西餅果D個個壓到陳水扁咁!
佢有款火腿芝士潛艇,$6.5好大個,但芝士,怕月巴~拜拜了~
佢仲有五,六款中式蒸包蒸住賣添~不過我估應該唔多好食~因為做西式包好≠做式包都好!
最最最......後......勝出被揀既係「上海美食」既「奶皇卷」! ! ! ! !恭喜晒! ! ! ! !哈哈哈
我果個係蒸爐入面最後一個奶皇卷,好彩買到!通常我諗咁耐既結果係一無所有,咩想賣晒!(=_=") (正常呀!)
好奸咁行左過對面大快活坐低食~遠睇唔大個,近睇幾大個~
起初諗住如果唔好食就淨係食一半,另一半帶返屋企,費事晒quota~哈
點知一食,「咦!唔錯喎!」雖然奶皇味不足,但個飽做得幾好!
個人覺得個飽做得好食過飽點王子同包點先生!
呢兩間野俾左好幾次機會佢都係唔得,個包太實,一D都唔好食,更多款都冇用!
因為一試饅頭就知師傅功架,冇任何配料幫你掩飾!
同埋佢地有幾有D紫紫綠綠既包好假,好似用色素咁~
到現時為止,本人食過最好食既中式包係係上海交通大學exchange時校園入面既「芭比饅頭」!
因為包做得好出色,十分Q軟可口!所以白饅頭更勝有涵料既其他包!
同埋佢既白饅頭做得少,又快冇,可見不少識貨之人~
上海唯一令我留戀既地方就係佢又平又靚既美食!
奶皇卷食到一半,決定買一個俾媽咪今晚放工消夜同俾我影相寫食評~哈
本來想買多個迷你馬拉盞俾爸爸~可惜賣晒未出~
奶皇卷,馬拉盞會ENCORE!
下次想試埋南瓜包*
飽點王子果個南瓜包,包實不在話下,南瓜涵唔甜係好,但又係好實!真係NONONO!
走時經過日之船,已經加到$15/6粒喇~! ! !
Post
