土友會麵 (Closed)

呢日放得晏直接食埋飯先返屋企，以前呢個鋪位係間開咗好耐嘅粥店，自從轉咗手之後都未試過，見價錢相宜就入去試吓🤓淨餸(包生菜底)同3餸麵都係$39起，部分餸例如豬大腸、牛腩、櫻花蝦餅就要加$2-$3，我揀咗淨餸牛腩、蘿白、魚片頭、多蔥😛份量正常，有話特別多肉，不過$42我又覺得差唔多啦🤣牛腩大約有5-6粒、炆到好淋好入味、唔會太多肥膏、啖啖肉幾唔錯😋蘿白都好淋冇渣，炸過嘅魚片頭就都係大家想像到嘅味道口感🤣生菜有6條左右，平時去譚仔轉菜底都要加$5，所以呢個價錢同質素真係幾唔錯，下次有quota正正式式試下麵先～