Video
Read full review
2021-05-05
353 views
#食在土瓜灣碌IG見到有介紹呢間「禮」居酒屋，賣相唔錯！之後發覺居然喺土瓜灣有分店！住喺土記嘅我竟然一直都冇發現，真係慚愧！餐廳位於天光道斜路，其實成日都會經過，但冇諗過原來係食日本料理，皆因外面嘅裝修風格會令人以為係酒吧！而內在裝修其實都唔似傳統嘅居酒屋：型格工業風再加入本元素，牆上木架放滿咗唔同嘅日本酒酒樽，而餐廳又設有吧枱，感覺上有啲fusion特色！（用膳時都有幾台客人所以唔方便影餐廳環境相）我同朋友喺冇book枱嘅情況下Walk in，可能時間尚早（大約黃昏6:30）我哋唔需要等位直接可以入座😝 以下就介紹吓我哋嗌咗嘅食物喇😋沖繩炸雞 $78 雖然雞肉係嫩滑，但因為冇去到骨，而且又炸得有啲硬（建議改用其他炸粉），所以影響到個口感 蟹膏玉子燒 $88玉子燒食得多但係包蟹膏嘅真係第一次好好味😋 主題刺身丼 $288 （帆立貝、海膽、三文魚籽、牡丹蝦、玉子、拖羅蓉）呢個刺身丼好出色呀，刺身嘅份量好足夠亦都好新鮮！帆立貝同海膽好鮮甜😍 個拖羅蓉撈飯真係好滿足😱 富士蘋果煙肉卷 $48 & 雞軟骨$38個煙肉卷食落都幾清新幾特別雞軟骨不過不失，但有啲貴囉$38得一串🤦🏻♂️海老鰻魚
碌IG見到有介紹呢間「禮」居酒屋，賣相唔錯！之後發覺居然喺土瓜灣有分店！住喺土記嘅我竟然一直都冇發現，真係慚愧！
餐廳位於天光道斜路，其實成日都會經過，但冇諗過原來係食日本料理，皆因外面嘅裝修風格會令人以為係酒吧！而內在裝修其實都唔似傳統嘅居酒屋：型格工業風再加入本元素，牆上木架放滿咗唔同嘅日本酒酒樽，而餐廳又設有吧枱，感覺上有啲fusion特色！（用膳時都有幾台客人所以唔方便影餐廳環境相）
我同朋友喺冇book枱嘅情況下Walk in，可能時間尚早（大約黃昏6:30）我哋唔需要等位直接可以入座😝 以下就介紹吓我哋嗌咗嘅食物喇😋
沖繩炸雞 $78
雖然雞肉係嫩滑，但因為冇去到骨，而且又炸得有啲硬（建議改用其他炸粉），所以影響到個口感
蟹膏玉子燒 $88
玉子燒食得多但係包蟹膏嘅真係第一次
好好味😋
主題刺身丼 $288 （帆立貝、海膽、三文魚籽、牡丹蝦、玉子、拖羅蓉）
呢個刺身丼好出色呀，刺身嘅份量好足夠亦都好新鮮！帆立貝同海膽好鮮甜😍 個拖羅蓉撈飯真係好滿足😱
富士蘋果煙肉卷 $48 & 雞軟骨$38
個煙肉卷食落都幾清新幾特別
雞軟骨不過不失，但有啲貴囉$38得一串🤦🏻♂️
海老鰻魚燒 $168
呢個真係好值得推介，鰻魚上面釀左蝦滑，再淋上鰻魚燒汁一齊燒！增加口感之餘亦唔會搶走鰻魚嘅鮮味😋
免治雞肉棒配蛋黃醬 $48
估唔到個蛋黃醬係真係一隻蛋黃，我仲以為係mayonnaise😂 正正常常啦！
我叫咗杯沖繩啤酒朋友就叫左杯咖啡牛奶燒酎
燒酒對我來講有啲啃，但係亦都飲到淡淡嘅咖啡香味，都好唔錯👍🏻
整體來講呢一餐非常之滿足
冇諗過喺傳統舊區土瓜灣都會有一間咁高質嘅日本料理，無論食物質素同埋餐廳嘅氣氛格調都係高級嘅～
Post
