一鍋蜂 (Closed)

土瓜灣一直都出咗名多食肆，但又唔同於其他旺區咁都係清一色的食店品牌，呢度每一間小店都有自己獨特的風格同味道，令人心嚮往之。這晚同兩個朋友在土瓜灣行完街想搵嘢食醫肚，經過九龍城道，見到有一間餐廳名幾得意，叫“一鍋蜂”，上網search咗下，原來係一間中菜餐廳，新開咗半年左右，於是決定入去嘗嘗鮮。店鋪門面簡潔，室內都無乜特別的裝修，但勝在闊落，坐得舒服。我們叫咗3個小菜，分別係：椒鹽鮮魷  鯪魚球豆腐煲  回味脆牛展椒鹽鮮魷即叫即炸，魷魚新鮮彈牙，炸粉不厚，魷魚炸至金黃色，外酥內軟；鯪魚球豆腐煲D鯪魚球好大粒，可以食到魚的鮮味，爽滑彈牙，加上豆腐同生菜，味道十分鮮甜； 回味脆牛展咬勁十足卻易嚼，點埋醬汁辣辣地，好味！總體上講呢間餐廳食物味道尚可，服務亦算周到，而且仲有好多菜式，湘川粵齊全，值得一試。