上戶酒場 (Closed)

早兩日係銅鑼灣食完日式餐廳，星期六黎到土瓜灣工作，想再吃日式，於是搵到呢間上戶酒場。上戶酒場其實近宋王臺站，就算搭地鐵嚟都算方便，我食完都可以行幾步就坐地鐵走。店員特別推介新出嘅全日精選，中午仲會送汽水，因為做完野好肚餓，於是同朋友各自點咗丼飯，再點左少少串燒。雙層鰻魚玉子丼冇諗到丼飯份量咁大，仲要係打卡able, 我同朋友咁肚餓都食唔晒。雙層原來係指一層鰻魚一層玉子，飯底係用醬汁炒既，雖然大份但係鰻魚味道不錯。超級天婦羅吉列蝦丼數落差唔多有六隻蝦，非常足料，配得上超級天婦羅既名稱，天婦羅炸蝦一定好食，不過一定要趁熱食，凍咗就會唔爽脆。鰻魚肝（串）香蔥牛肉巻（串）秋葵（串）大蔥（串）串燒唔錯，特別係大蔥，辣辣地幾開胃。香蔥牛肉卷裏面包住滿滿嘅香蔥，入口全是蔥味👍🏻黑糖菠蘿（串）最鍾意食菠蘿既我，點左一串黑糖菠蘿，識落甜甜地，其實唔係太食得出係黑糖，不過菠蘿本身夠甜，加上燒過熱食非常滋味。☺️