Video
Read full review
2023-08-13
601 views
📌 四方正宗重慶麻辣火鍋店 - 土瓜灣美景街27號地舖🗓(13/8) 星期日 ⏰ 晚上6:30左右💈特式：呢間位於土瓜灣美景街窄巷嘅重慶麻辣火鍋我一直都有食開，我對佢嘅評價一直都唔錯，我有同朋友介紹過，所以朋友一直都想約埋我去試，但成日就唔啱時間，一係就餐廳爆場，今日終於都可以一齊去食喇。🥩🍔🌭🌮🥗🥯🥘🍲🍝🍣🥟🍤🍱食物：我通常去親都係會揀任食，但餐廳就一向都唔包飲品任飲，我由佢本身唔洗$3️⃣0️⃣0️⃣/位食到而家要$3️⃣1️⃣8️⃣/位，不過加幅都唔算好多，而家等我同大家講下🍲味道先。🍲湯底 - 湯底選擇唔多，話就話有6款，其實減返個鴛鴦鍋，實質只有5款，不過我每次都只係會揀麻辣鴛鴦鍋。因為鐘意佢個麻辣湯底夠正宗，不過要提提大家，我每次都係叫小辣，但辣度差唔多係出面火鍋店d大辣，而且會越食越辣；另外佢地個藥膳烏雞湯底真係冇得輸，直頭好似燉湯咁好飲，我每次都食野都已經清左一大半，再叫老細加湯先夠打邊爐。火鍋配料 - 配料有牛/豬/雞/羊/鴨/鵝/海鮮/手打丸/菇菜類，總共都有80多款，以下我就介紹大家有咩係最特別/最回本/最吸引架啦：🐮牛類 - 佢地嘅雪花肥牛唔係急凍貨，但又未到手切牛級數，不過都係任食，
🗓(13/8) 星期日 ⏰ 晚上6:30左右
💈特式：呢間位於土瓜灣美景街窄巷嘅重慶麻辣火鍋我一直都有食開，我對佢嘅評價一直都唔錯，我有同朋友介紹過，所以朋友一直都想約埋我去試，但成日就唔啱時間，一係就餐廳爆場，今日終於都可以一齊去食喇。
🥩🍔🌭🌮🥗🥯🥘🍲🍝🍣🥟🍤🍱
食物：我通常去親都係會揀任食，但餐廳就一向都唔包飲品任飲，我由佢本身唔洗$3️⃣0️⃣0️⃣/位食到而家要$3️⃣1️⃣8️⃣/位，不過加幅都唔算好多，而家等我同大家講下🍲味道先。
🍲湯底 - 湯底選擇唔多，話就話有6款，其實減返個鴛鴦鍋，實質只有5款，不過我每次都只係會揀麻辣鴛鴦鍋。
因為鐘意佢個麻辣湯底夠正宗，不過要提提大家，我每次都係叫小辣，但辣度差唔多係出面火鍋店d大辣，而且會越食越辣；另外佢地個藥膳烏雞湯底真係冇得輸，直頭好似燉湯咁好飲，我每次都食野都已經清左一大半，再叫老細加湯先夠打邊爐。
麻辣鴛鴦鍋
48 views
0 likes
0 comments
火鍋配料 - 配料有牛/豬/雞/羊/鴨/鵝/海鮮/手打丸/菇菜類，總共都有80多款，以下我就介紹大家有咩係最特別/最回本/最吸引架啦：
13 views
1 likes
0 comments
37 views
0 likes
0 comments
🐮牛類 - 佢地嘅雪花肥牛唔係急凍貨，但又未到手切牛級數，不過都係任食，性價比已經極高。
另外牛胸爽/黑柏葉/千層肚都好唔錯，絕對比出面任食火鍋店用個d急凍貨好得多。
如果想進補嘅朋友，佢地仲有牛鞭同牛波子呢d咁有特色嘅野，都係任食。
23 views
0 likes
0 comments
🐷豬/🐔雞/🐐羊/🦆鴨/🪿鵝 - 其他肉類都有唔少必點嘅野介紹比大家，例如鮮鵝腸/鵝血/豬黃喉/花雕豬腦/西班牙黑豚肉/火雞子/黑毛豬午餐肉。
豬黃喉
105 views
0 likes
0 comments
🐟🦐海鮮 - 佢地d海鮮都係一大回本位，尤其是佢地d竹串蝦，隻隻都好新鮮大隻。
另外白鱔片/脆鯇片同腩/田雞/魚卜等，都係值得推介。
🍡手打丸 - 真心每款都做得好好，首推就係墨魚滑（好食過出面個d好多），牛丸都好好食，牛味好濃。
🥗菇菜類 - 都係一般野，除左佢地有四川豆皮/四川貢菜/四川竹筍都係比較少見。
🌶麻辣小食 - 佢地仲有9️⃣款麻辣小食同1️⃣款甜品紅糖糍粑選擇，大部分小食味道都算好食，但偏辣，亦無得揀辣度。
黃金皮蛋
19 views
0 likes
0 comments
泡椒鳳爪
11 views
0 likes
0 comments
紅糖糍粑
38 views
0 likes
0 comments
☕️🍵🥤🧋🍺🍷🥃🍹🧉🍾🍶🥛
飲品 : 飲品就唔包任飲，需要散叫，有罐裝汽水同支裝啤酒，價錢都算正常，唔太貴。
🍽環境：餐廳環境真係麻麻，呢個可能都係無乜人係網上介紹佢嘅原因之一，全場只得5~6張枱大約20個位，而且坐位都幾迫，坐得唔會好舒適，餐廳平日就唔算太多人，但如果假期我就建議一定要book位，因為我入座無耐有人walk in都無枱。
🤵🏻🤵🏻♀️🤵🏻♂️服務：店員本身就係餐廳老闆及老闆娘，所以態度好好，例如見到我朋友着白色衫會主動比圍裙，見佢地咩都一腳踢非常忙碌，但上菜一d都唔慢，而且老闆比人感覺幾有人情味。
💰💸價錢：如果唔計飲品，任食埋單就係$3️⃣1️⃣8️⃣/位，價錢就同出面任食火鍋差唔多，唔算好平，不過食物就一定比出面d飲食火鍋店有特色，質素亦更有水準，尤其是個湯底，直頭高好多班。
🐲💬總結：我由屋企行去呢間火鍋店都唔洗20分鐘，所以我周不時都有去幫襯，不過餐廳環境就唔係個個接受到，但湯底及食物絕對係呢間廳一大賣點。
推薦指數：❤️❤️❤️❤️❣️
Post
