Video
Read full review
2022-12-07
168 views
聖誕同新年佳節就快到，同親朋好友慶祝梗係要食好西啦！位於灣仔新鴻基中心2樓嘅「GRILL TAJIMAYA」，最近做緊winter celebration dinner set優惠，2位$1499包沙律、湯品、意粉、主菜、甜品同飲品，相當豐富。第一道「Crab Meat & Crab Roe Salad 」蟹肉蟹籽沙律，沙律脆嫩，蟹肉鮮甜，蟹籽鹹香，非常開胃。第二道「Pumpkin Soup with Grilled Scallop」香煎帶子南瓜湯，煎香帶子微微燶邊，鮮甜可口，南瓜湯用壺另裝起， 職員喺面前倒上， 南瓜湯質地creamy，味帶橙皮嘅清香，呢個湯品有驚喜。第三道「Miso Cream Sauce Pasta with Salmon & lkura」三文魚味噌魚籽意粉，三文魚滲透滿滿味噌風味，魚籽粒粒鮮美，意粉煙韌又掛汁，很美味。第四道主菜可自選2款美饌，我哋就揀咗「Japanese Wagyu Fillet Steak」日本產黑毛和牛牛柳扒，選了5成熟，牛柳肉質結實，5成熟唔會太生，仲keep住有肉汁，配上芥末醬同Wasabi更添牛柳嘅味道層次感。另一個主菜係「100%
第一道「Crab Meat & Crab Roe Salad 」蟹肉蟹籽沙律，沙律脆嫩，蟹肉鮮甜，蟹籽鹹香，非常開胃。
第二道「Pumpkin Soup with Grilled Scallop」香煎帶子南瓜湯，煎香帶子微微燶邊，鮮甜可口，南瓜湯用壺另裝起， 職員喺面前倒上， 南瓜湯質地creamy，味帶橙皮嘅清香，呢個湯品有驚喜。
第三道「Miso Cream Sauce Pasta with Salmon & lkura」三文魚味噌魚籽意粉，三文魚滲透滿滿味噌風味，魚籽粒粒鮮美，意粉煙韌又掛汁，很美味。
第四道主菜可自選2款美饌，我哋就揀咗
「Japanese Wagyu Fillet Steak」日本產黑毛和牛牛柳扒，選了5成熟，牛柳肉質結實，5成熟唔會太生，仲keep住有肉汁，配上芥末醬同Wasabi更添牛柳嘅味道層次感。
另一個主菜係「100% Japanese wagyu Hamburg Steak with Urchin & Onsen Egg」100%日本產黑毛和牛漢堡扒配黃金雲丹同溫泉蛋，用紫蘇葉同海膽鋪面，賣相超澎湃，牛漢堡扒有牛肉香，溫泉蛋蛋汁令口感更滑溜，必食之選。
食牛扒又點少得配紅酒，呢杯House Wine入口順喉， 一口牛配一啖紅酒，可襯托牛肉嘅美味，更令紅酒層次感分明。
最後係甜品「Bread Pudding with Vanilla lce Cream」麵包布甸伴雲呢拿雪糕，麵包布甸很有質感，裡面濕潤，唔會食到好乾，加埋有雲呢拿籽嘅雪糕，十分夾。
總括而言，餐廳環境舒適，每道菜式逐碟逐碟上，跟 fine dining一樣嘅享受，而且服務員友善，食物質素高，值得一試。
Post
