京味居 (Closed)

聖誕節同屋企人去中環睇燈飾，媽媽話想去中環的橫街食D有特色的舖頭，所以我就帶佢o黎呢度。一坐低老豆立即叫碗上海湯麵，可能是京菜關係，所以上海湯麵不太正宗，粗麵過諗。又係我例牌的擔擔麵，麵身同樣唔得，而湯底亦一般，沒有正宗的麻辣味。細妹叫的素炒拉麵，反而唔錯，炒得唔乾又唔油，麵比一般北京拉麵較粗身。京燒羊肉-皮脆肉嫩，比起做冬去"儂"食的京燒羊肉，無論水準同價錢真係差好達。咕嚕肉-唔多掂，好重油"益"味，而且炸粉又多。一場o黎到，當然要食水餃啦，前後叫了三款，當中以羊肉餃最為好食，因為夠羶又夠羊味，其次是白菜，另外芹菜亦好香。媽媽覺得水餃皮算做得不算，餃子包得結實，不會鬆散，而內裡湯汁亦不少。最後甜品係拔絲蘋果，真是見佢係雪櫃拎個蘋果出o黎即整。可能即製關係，又熱又脆，比起泰豐廔好食，食過幾次泰豐廔的拔絲蘋果，都是較硬，呢度做得較為鬆化。總體來話，雖然味道一般，不是十分好食，但5個人食了9樣野唔駛300蚊，真係食了一個又平又抵的聖誕大餐。