小鎮雪糕店

Open Now

Now Closed

雖然呢排涼左好多，不過入親迪士尼都會見到小鎮大街間雪糕店大排長龍，見到咁多人食，自己都想買個雪糕食。① 海鹽焦糖軟雪糕 $62今期聖誕期間限定！雖則我呢個雪糕歪歪地，但加埋朱古力脆脆同埋粒星星朱古力，賣相幾靚幾應節。雪糕質感唔會好快溶，而且鹹甜適中，好味！② 黑魔后之毒軟雪糕 $56上一期萬聖節的期間限定，呢個藍莓味軟雪糕，加上莓醬，以及黑魔后對角（朱古力），造型幾靚。味道微酸帶甜，幾清新，不過溶得好快！最後食埋個朱古力脆筒，滿足。