TwoTwo Chicken (Closed)

上次經過大坑，已經知道入面有好多野食，所以今次特登黎依度揾野食。經過幾間食肆後，見到有間店鋪裝飾得好有聖誕氣氛，所以就係咁入左黎喇。聖誕節就算無火雞，都要食下炸雞應下節啦。《甜辣炸雞&香蔥炸雞-各半隻》：樣樣都想試，結果就揀左雙拼黎食。甜辣炸雞：食完好開胃，甜得黎帶點辣。而且雞肉炸得一d都唔乾，雞肉好有肉汁。香蔥炸雞：上面鋪滿左香蔥，炸雞上面仲有醬汁，連埋香蔥一齊食，感覺好清新，而且雞肉仲好嫩滑添。另炸雞中間有d沙津，食完炸雞之後可以食下蔬菜，感覺唔會太heavy!《茄蓉雞絲意粉》：本身好喜愛蕃茄類既食物，因為酸酸甜甜。依個雞絲意粉食完好開胃，而且意粉軟硬度適中。正！