666泰船麵 (仁愛街) (Closed)

今個聖誕節真係夠哂特別，6點後冇堂食，我哋就決定外賣聖誕大餐，而且想嚟個泰式聖誕大餐！所以就決定去666泰船麵買外賣啦！《泰式生菜包》，可以揀走辣，小辣，中辣，大辣，我哋因為有小朋友，所以就揀咗走辣，配生菜食，真係食唔停口！《泰式海南雞飯》，必+$5 要埋個泰式水門醬，個醬真係幾特別，海南雞好滑，啲油飯又唔會勁多油，好味。《椰青咖哩牛腩飯》，少少辣，啲牛腩好入味，薯仔勁冧，配白飯一流。《樂駱駱泰式蠔餅》，好多蠔仔好好味！《泰式腐乳生菜》，好夠味！$20 份量唔算多，多人食就叫多一/兩個啦！總結：值得 encore 嘅泰菜，下次再試多啲其他食物！