Video
Read full review
2022-12-12
173 views
每年都要絞盡腦汁諗去邊度食聖誕大餐，今年超有成功感！因為我搵到一間有得食高質牛牛，而且價錢又唔會去到好貴既聖誕大餐🤤WINTER CELEBRATION DINNER SET $1499/2 (有加一)蟹肉蟹籽沙律沙律菜超級新鮮，食落好fresh, 醬汁用咗我最鍾意嘅和風芝麻醬，配上一絲絲蟹肉同蟹籽，可以話係心目中完美嘅沙律🤤香煎帶子南瓜湯首先放上枱係一粒煎到金黃色，半熟的帶子，店員再喺帶子上面倒入熱辣辣的南瓜湯，濃湯口感幼滑，味道香甜，加上外脆內軟的帶子，完全冇可以挑剔的地方三文魚味噌魚子意粉好彩碟意粉份量唔大，因為之後仲有高質牛牛食，唔可以咁快食飽。意粉用左忌廉汁，Creamy既意粉同三文魚，食落好滑溜，仲有鹹香的三文魚子，有多層次嘅口味日本產黑毛和牛 牛柳扒有”日本產”三個字嘅光環，品質果然唔差得去邊，牛柳肉質鮮甜，筋佔嘅比例唔高，入口都算係啖啖肉，口感軟身唔韌，係我至愛😆除咗傳統芥末醬，呢款牛扒仲多咗Wasabi醬，伴食出乎意料咁好味🤤100%日本產黑毛和牛漢堡扒 配 黃金雲丹及溫泉蛋恕我孤陋寡聞，原來靚嘅海膽，配靚嘅牛係咁好食🤤🤤 牛牛Juicy, 海膽鮮甜，仲有成碟都係嘅海
WINTER CELEBRATION DINNER SET $1499/2 (有加一)
蟹肉蟹籽沙律
沙律菜超級新鮮，食落好fresh, 醬汁用咗我最鍾意嘅和風芝麻醬，配上一絲絲蟹肉同蟹籽，可以話係心目中完美嘅沙律🤤
香煎帶子南瓜湯
首先放上枱係一粒煎到金黃色，半熟的帶子，店員再喺帶子上面倒入熱辣辣的南瓜湯，濃湯口感幼滑，味道香甜，加上外脆內軟的帶子，完全冇可以挑剔的地方
三文魚味噌魚子意粉
好彩碟意粉份量唔大，因為之後仲有高質牛牛食，唔可以咁快食飽。意粉用左忌廉汁，Creamy既意粉同三文魚，食落好滑溜，仲有鹹香的三文魚子，有多層次嘅口味
日本產黑毛和牛 牛柳扒
有”日本產”三個字嘅光環，品質果然唔差得去邊，牛柳肉質鮮甜，筋佔嘅比例唔高，入口都算係啖啖肉，口感軟身唔韌，係我至愛😆除咗傳統芥末醬，呢款牛扒仲多咗Wasabi醬，伴食出乎意料咁好味🤤
100%日本產黑毛和牛漢堡扒 配 黃金雲丹及溫泉蛋
恕我孤陋寡聞，原來靚嘅海膽，配靚嘅牛係咁好食🤤🤤 牛牛Juicy, 海膽鮮甜，仲有成碟都係嘅海膽汁，每一啖牛都可以沾到海膽汁伴食，連配菜嘅車厘茄同青椒仔都好好食🥲 如果有機會Encore,一定會再食多次呢道菜🤪
麵包布甸配雲呢拿雪糕
食到飽飽，仲有得食甜品😆 熱辣辣焗出嚟嘅麵包布丁，甜甜地，好鬆軟。雲呢拿雪糕牛奶味香濃，一冷一熱咁樣伴食，為呢餐寫上完美句號~~
飲品方面，我地每人揀咗一杯紅酒，House wine黎講味道適中，唔會過甜/過酸，同牛牛味道又夾到，得左！
Post
