Video
Read full review
2022-01-12
52 views
疫情下無得打朋友去打返個邊爐，食個雞煲、飲下啤酒，好彩有呢間雞煲外賣店，全包宴之下，可以輕鬆轉戰拎返屋企同朋友玩返晚。👍🏻招牌麻 雞煲二人套餐套餐可選兩款肉、兩款丸及餃類、兩款配菜、兩款蔬菜、一款面，更可以用優惠價加購其他配菜。而鍋底、雞汁、清湯，外賣餐具等等都已經包括在內，方便至極。連倒入鍋嘅程序都唔需要，只係需要喺錫紙兜之下放上燃料加熱就可以，鍋底叫咗小辣，真係超級惹味，亦都唔會怕任何癡底，味道唔會死鹹，雞件亦有將近一隻雞既份量，肉質嫩滑且唔多碎骨！🤍肉類揀左牛板腱，牛味香濃，雪花都幾平均，薄薄一片唔會太韌，另外叫咗日本黑豚五花片，薄薄一片唔使煮太耐， 適時撈起，口感一絕。🤍丸類揀左平時比較少見既薑汁皮蛋貢丸，食嘅時候要小心啲，因為都幾Juicy，薑汁味唔會太嗆，食落有微少嘅皮蛋香；木耳餃既餃皮唔會太厚入邊嘅木耳絲爽口清甜。🤍配菜同蔬菜揀左平時懶得洗既牛柏葉，同打邊爐常客：響鈴，蔬菜就揀左男小編最愛既菜 油麥菜同蒿苛，表現中規中矩，無需花太多筆墨去形容！🤍飲品 如果堂食嘅話，呢啲手工飲品真係特別吸引，而家居然仲可以外賣返屋企添！蜂蜜菊花蜜清新滋潤，洛神花蜜酸酸甜甜，解膩一流。優惠情
👍🏻招牌麻 雞煲二人套餐
套餐可選兩款肉、兩款丸及餃類、兩款配菜、兩款蔬菜、一款面，更可以用優惠價加購其他配菜。而鍋底、雞汁、清湯，外賣餐具等等都已經包括在內，方便至極。
連倒入鍋嘅程序都唔需要，只係需要喺錫紙兜之下放上燃料加熱就可以，鍋底叫咗小辣，真係超級惹味，亦都唔會怕任何癡底，味道唔會死鹹，雞件亦有將近一隻雞既份量，肉質嫩滑且唔多碎骨！
🤍肉類
揀左牛板腱，牛味香濃，雪花都幾平均，薄薄一片唔會太韌，另外叫咗日本黑豚五花片，薄薄一片唔使煮太耐， 適時撈起，口感一絕。
🤍丸類
揀左平時比較少見既薑汁皮蛋貢丸，食嘅時候要小心啲，因為都幾Juicy，薑汁味唔會太嗆，食落有微少嘅皮蛋香；木耳餃既餃皮唔會太厚入邊嘅木耳絲爽口清甜。
🤍配菜同蔬菜
揀左平時懶得洗既牛柏葉，同打邊爐常客：響鈴，蔬菜就揀左男小編最愛既菜 油麥菜同蒿苛，表現中規中矩，無需花太多筆墨去形容！
🤍飲品
如果堂食嘅話，呢啲手工飲品真係特別吸引，而家居然仲可以外賣返屋企添！蜂蜜菊花蜜清新滋潤，洛神花蜜酸酸甜甜，解膩一流。
優惠情報
全日外賣套餐有七五折優惠，午市堂食更加推出豁免加一，外賣自取八八折，換言之，40幾蚊就食到（奉送埋小食或者汽水）
Post
