Video
Read full review
2018-10-11
3652 views
越南妹係日本🇯🇵返來喇！短暫兩星期當然要同熊妹見見面喇！咁岩瑪姫太太的A仔👶🏻要出世喇，就一次過黎荃灣區探探佢地👪。難得黎到荃灣揾好西，首選當然離不開只在新界有分店的《荳子》咖啡店。下午茶時間黎到，一定無傳聞中講到咁多人排隊的場面喇。荃灣總店的《荳子》有兩間連鋪，一間係擺放蛋糕凍櫃的，一間係連廚房的，坐邊間都無所謂，最緊要有位。熊妹其實一早睇定好食咩，3點幾呢個時段黎到可以食下午茶餐同午餐優惠，包埋飲品比正價抵少少。🍽越南妹食左晏奏過黎唔太肚餓，俾熊妹發板叫野食，熊妹揀左兩個輕食無咁飽肚的。蟹肉牛油果他他，$58底下鋪滿粒粒牛油果🥑，好熟好香，中間夾雜一堆沙律菜🥗，面頭鋪上一層沙律蟹肉層，係一份好精緻的小食。拌碟有三塊麵包薄餅，將蟹肉他他撈勻搽上軟綿的薄餅上面一併食，好健康又美味的輕食呀。流心抹茶吐司，$58熊妹係抹茶熊不在話下喇，呢款甜點一定捧場捧場。非常可觀的賣相，大大球抹茶雪糕襯托在一片厚厚黑黑的竹炭麵包吐司🍞，仲有兩粒藍莓，兩粒紅莓同幾粒棉花糖仔。一刀切下，嘩，澎湃的綠茶醬汁流哂出黎，質感比較水啲，吐司其實本身幾脆，不過浸沒係一大堆抹茶汁入面變成有啲啲淋，如果綠茶醬汁可以濃稠少
難得黎到荃灣揾好西，首選當然離不開只在新界有分店的《荳子》咖啡店。
下午茶時間黎到，一定無傳聞中講到咁多人排隊的場面喇。
荃灣總店的《荳子》有兩間連鋪，一間係擺放蛋糕凍櫃的，一間係連廚房的，坐邊間都無所謂，最緊要有位。
熊妹其實一早睇定好食咩，3點幾呢個時段黎到可以食下午茶餐同午餐優惠，包埋飲品比正價抵少少。🍽
越南妹食左晏奏過黎唔太肚餓，俾熊妹發板叫野食，熊妹揀左兩個輕食無咁飽肚的。
牛油果蟹肉他他
$58
114 views
0 likes
0 comments
底下鋪滿粒粒牛油果🥑，好熟好香，中間夾雜一堆沙律菜🥗，面頭鋪上一層沙律蟹肉層，係一份好精緻的小食。拌碟有三塊麵包薄餅，將蟹肉他他撈勻搽上軟綿的薄餅上面一併食，好健康又美味的輕食呀。
流心抹茶吐司
$58
95 views
0 likes
0 comments
熊妹係抹茶熊不在話下喇，呢款甜點一定捧場捧場。非常可觀的賣相，大大球抹茶雪糕襯托在一片厚厚黑黑的竹炭麵包吐司🍞，仲有兩粒藍莓，兩粒紅莓同幾粒棉花糖仔。一刀切下，嘩，澎湃的綠茶醬汁流哂出黎，質感比較水啲，吐司其實本身幾脆，不過浸沒係一大堆抹茶汁入面變成有啲啲淋，如果綠茶醬汁可以濃稠少少會更加好味！竹炭本身其實無咩味，夾埋甜甜的抹茶醬就變成一款好好味的甜品🍭，而且黑色配上綠色係好襯的顏色組口，整體係好靚好味好吸睛的！
黑糖薑母茶
52 views
0 likes
0 comments
越南妹有點熱氣，爆左唇瘡，所以飲啲滋潤茶🍵熱熱地補補下，個杯好靚，唔算好甜。
3D奶泡latte
93 views
0 likes
0 comments
熊妹知道呢度有得叫3D奶泡，本身想點flat white加拉花，但店員指flat white奶泡唔夠厚，好難做到拉花效果，提議轉做latte,好窩心喎！慢功出細貨，都等左一段時間先整好。奶泡係熊熊🐻黎架，好打意呀！咖啡奶泡層真係好厚，latte咖啡☕️都幾重咖啡香味，同牛奶🥛比例夾，好易入口，讚讚讚！
呢度啲餐碟餐杯都好靚靚，餐碟同餐巾都有印上自己餐廳品牌《Beans》的圖案，連盛水的水杯簡樸得黎又好優美，係一間好有心經營的咖啡店，難怪咁受歡迎，發展到咁多間分店，如果可以衝出新界係九龍或者香港區開分店，就無懈可擊嚕！
Post
