Video
Read full review
2022-10-07
1263 views
難得放工比較早，趕得切返番去西營盤先食晚飯😁。我哋想食西餐，而高街嘅餐廳都經已食匀，所以就向下路出發，並揀選咗位於電車路嘅「Bistro Breton by La Creperie」。我哋之前食過灣仔嘅La Creperie，西營盤店係佢嘅姐妹店，但整個感覺好唔同，因為呢度除咗法式薄餅之外，仲多好多其他菜式🍽。外籍店員親切有禮，並主動介紹菜式。我哋嗌咗一份二人套餐Set Dinner for Two👫($558)，套餐內容豐富，而且每個項目都有得自選款式。呢個價錢喺港島區嚟講，真係唔算貴。Brittany Fish Soup，🐟來自法國西北部嘅魚湯非常好味，魚香濃郁，但一啲都唔腥。顏色呈啡橙色，有啲似龍蝦湯，然後同店員傾開偈，佢讚我觀察力好👀，因為餐廳所揀嘅魚種都係喺石澗游走，同龍蝦有類同嘅習性。魚湯配以芝士同脆麵包一齊食，芝士遇熱湯即溶變拉絲🧀，進一步提升滋味。Octopus Carpaccio(+$28)，🐙八爪魚薄片幾得意，因為多數食嘅係帶子生魚片。呢款前菜嘅八爪魚係經已整熟咗，所以唔食刺身嘅都啱食。佢切法好獨特，片得好薄，似處理過先切。薄片配以青檸汁同青瓜粒🍋，食落既清新又開胃
難得放工比較早，趕得切返番去西營盤先食晚飯😁。我哋想食西餐，而高街嘅餐廳都經已食匀，所以就向下路出發，並揀選咗位於電車路嘅「Bistro Breton by La Creperie」。
我哋之前食過灣仔嘅La Creperie，西營盤店係佢嘅姐妹店，但整個感覺好唔同，因為呢度除咗法式薄餅之外，仲多好多其他菜式🍽。外籍店員親切有禮，並主動介紹菜式。
我哋嗌咗一份二人套餐Set Dinner for Two👫($558)，套餐內容豐富，而且每個項目都有得自選款式。呢個價錢喺港島區嚟講，真係唔算貴。
Brittany Fish Soup
44 views
0 likes
0 comments
Brittany Fish Soup，🐟來自法國西北部嘅魚湯非常好味，魚香濃郁，但一啲都唔腥。顏色呈啡橙色，有啲似龍蝦湯，然後同店員傾開偈，佢讚我觀察力好👀，因為餐廳所揀嘅魚種都係喺石澗游走，同龍蝦有類同嘅習性。魚湯配以芝士同脆麵包一齊食，芝士遇熱湯即溶變拉絲🧀，進一步提升滋味。
Octopus Carpaccio
32 views
1 likes
0 comments
Octopus Carpaccio(+$28)，🐙八爪魚薄片幾得意，因為多數食嘅係帶子生魚片。呢款前菜嘅八爪魚係經已整熟咗，所以唔食刺身嘅都啱食。佢切法好獨特，片得好薄，似處理過先切。薄片配以青檸汁同青瓜粒🍋，食落既清新又開胃。
Tiger Prawns Pasta
22 views
0 likes
0 comments
Tiger Prawns Pasta，🍝虎蝦意粉各方面都整得好好，麵條煮得彈牙、富嚼勁，兼且相當掛汁，每條都染上紅色。醬汁由蕃茄同紅酒汁溝成🍷，惹味得嚟唔搶，而且仲同虎蝦好搭調。虎蝦有三隻，哈哈哈，🦐蝦肉堅大隻，肉質爽彈，且富鮮香，用料絕不馬虎。
Duck Confit
26 views
0 likes
0 comments
Duck Confit，油封鴨腿造型正正常常🍗，不過一食就能顯出佢比其他餐廳嘅出品優秀。鴨肉先經過鹽醃，然後再用油封存，所以自身已帶味道，但又唔會過鹹。鴨皮唔算脆，但鴨肉軟嫩，一切就離骨。再拌埋橙醬食🍊，錦上添花。伴旁嘅薯蓉亦同樣出色，唔會被遺忘，估計應該落得夠多牛油，所以口感綿滑。
Crêpe La Liégeoise
27 views
0 likes
0 comments
Crêpe La Liégeoise，就咁睇菜式名當然唔知係乜啦🙈，好彩餐牌有列出有乜食材。呢款可麗餅甜品包含朱古力雪糕🍨、海鹽牛油焦糖醬、忌廉同烤果仁等。甜薄餅穩定地好食，薄餅皮透薄，兼且煎得好香，而其他食材就係大路嘢，成個組合好夾，甜度適中。
總括嚟講，喺呢間法式小餐館能夠品嚐到正宗滋味🇫🇷，佢唔係Fine Dining嗰種法國菜，而係比較大眾化嘅地道菜式，比一般牛扒西餐特別少少，唔係四周圍都有得食。整體而言，餐廳幾值得推介啊👍。
Post
