Hunky Dory

Open Now

Now Closed

其實動物同人一樣，如果成日留喺屋企都會冇乜精神。所以今次就帶埋主子出嚟食番個晚餐。知道科學園戈邊都有好多寵物友善嘅餐廳，於是乎就帶埋我啲貓貓去食飯加散步下。科學園都好大，我就去到19W區嘅《Hunky Dory》，餐廳外面仲有個小草地啱哂寵物食完飯行下。香烤厚切豬鞍 $208依度菜式需要大約30分鐘製作時間，記住去到嘅時候落咗單先，咁就唔會對時間失預算。見到真係好厚身嘅豬扒，選用咗連骨嘅部位。豬鞍面頭烤到焦香，肉質軟腍又多汁。三文魚菠菜忌廉汁闊條麵 $128新鮮嘅三文魚兩邊香煎至微焦，切開三文魚內層仲係微橙色，熟道就剛剛好。而闊條麵亦都好掛汁，充滿濃厚嘅菠菜忌廉味。自家製蘋果批 $58蘋果批上面有一個雲呢拿雪糕，同蘋果批嘅酸甜可以中和甜度，咁樣就比較開胃啦。