Video
Read full review
2013-04-20
1434 views
小弟由幾年前搬入涌美村後, 大大話話都幫襯呢間車仔麵已經好幾年, 就係今日, 就等我呢個"為食高登仔", 講下呢間車仔麵, 點解咁得我歡心啦位置:呢間車仔麵既鋪位, 其實位處於涌美村內, 如果係第一次去搵呢間車仔麵既朋友, 不妨可以多口問句村內既街坊, 我諗啲街坊, 都會好樂意話俾大家知"華記小食店”係村內邊個位置服務態度:其實大家黎得車仔麵檔食嘢, 都唔好諗住會有高級餐廳既服務, 不過講親切度, 呢間車仔麵檔既每一個員工, 絕對俾到你, 甚至有一次, 我叫太多餸(約六個), 佢地都擔心我食唔曬, 建議我可以叫少一至兩樣餸 環境:呢間車仔麵檔, 對出係一片竹林, 望落去其實都幾清幽舒服, 不過我建議店主, 可以增添一把大風扇, 因為係夏天既炎熱期間, 既可令啲客人, 坐得更加舒服, 又可以驅蚊, 可以話係”一舉兩得”食物質素:好! 終於黎到呢個Topic, 首先我要講呢間車仔麵檔既食物質素, 其實都幾高下, 但係相對地每個餸既價錢, 亦都貴市面既車仔麵檔一, 兩蚊牛腩, 牛根: 其實煮得幾淋, 不過有時好似煮得唔太入味豬腸: 食得出, 店主用既係新鮮豬腸, 煮得好入味, 推介, 小弟其
位置:
呢間車仔麵既鋪位, 其實位處於涌美村內, 如果係第一次去搵呢間車仔麵既朋友, 不妨可以多口問句村內既街坊, 我諗啲街坊, 都會好樂意話俾大家知"華記小食店”係村內邊個位置
服務態度:
其實大家黎得車仔麵檔食嘢, 都唔好諗住會有高級餐廳既服務, 不過講親切度, 呢間車仔麵檔既每一個員工, 絕對俾到你, 甚至有一次, 我叫太多餸(約六個), 佢地都擔心我食唔曬, 建議我可以叫少一至兩樣餸
環境:
呢間車仔麵檔, 對出係一片竹林, 望落去其實都幾清幽舒服, 不過我建議店主, 可以增添一把大風扇, 因為係夏天既炎熱期間, 既可令啲客人, 坐得更加舒服, 又可以驅蚊, 可以話係”一舉兩得”
食物質素:
好! 終於黎到呢個Topic, 首先我要講呢間車仔麵檔既食物質素, 其實都幾高下, 但係相對地每個餸既價錢, 亦都貴市面既車仔麵檔一, 兩蚊
牛腩, 牛根: 其實煮得幾淋, 不過有時好似煮得唔太入味
豬腸: 食得出, 店主用既係新鮮豬腸, 煮得好入味, 推介, 小弟其實對豬腸都幾重口味, 因為自己好鍾意豬腸既”膏香味”, 所以小弟每次叫豬腸既時侯, 都一定要求係”肥腸”, 各位如果好似我咁重口味, 都不妨一試, 因為實在太香啦
蘿白: 抵食夾大件, 煮得夠淋又入味, 仲要係無根, 所以食落好爽口, 聽講店主為求高質素, 入既蘿白係韓國貨, 而唔係內地貨
紅腸: 店主用煎既方法去處理, 加上炸蒜放紅腸上面, 令紅腸香上加香
魚肉春卷: 好似食魚肉腐皮卷一樣, 又香又好味
炸魚皮: 呢味餸睇落好普通, 但係食落, 一定令大家嘩一聲, 因為實在太脆啦, 我敢保證, 炸魚皮一定唔會令大家失望
炸雞翼: 絕對係呢間車仔麵檔既招牌菜, 店主選用既雞翼真係好厚肉, 而且仲將雞翼既皮, 炸到好似食薯片一樣咁脆, 真係會令大家一試難亡
其實, 呢間車仔麵檔, 仲有兩個配角(調味料)係好出名
咖哩汁: 咖哩味濃郁惹味, 唔會得個辣字
辣椒油: 呢間車仔麵檔既辣椒油, 係自製既, 吃得出辣椒油, 辣中帶香, 不過我建議大家, 第一次試呢隻辣椒油時, 唔好落太多, 一匙便可, 因為咁樣做, 既可吃到辣椒油既辣味, 又唔會蓋過湯既甜味
Other Info. :
[b]最後一定要提醒各位, 呢間車仔麵檔既營業時間, 只不過去到下午三時左右, 如果各位真係要去品嚐, 唯有早少少起身啦[/b]
(The above review is the personal opinion of a user which does not represent OpenRice's point of view.)
Post
