HeSheEat (綠楊坊) (Closed)

今晚約左好姊妹去荃灣行行，行到綠楊坊見到一間熟悉食店 – HE SHE EAT原來HE SHE EAT已經係荃灣開左分店，而且係正地鐵站對面。大約7時左右入座，店內已經差不多將近滿坐。餐廳採用半開放式設計，空間感不錯。餐牌設計簡單，方便食客一目了然。另外(只要LIKE FACEBOOK 同SHARE 比朋友就有黑松露薯條送)由於怕熱氣關係都同好姊妹都避而不選。紫薯鮮奶鮮奶比例佔多，個人偏好濃濃紫薯感覺，所以若紫薯味再濃更佳。牛油果豆腐沙律 - 沙律都新鮮，沙律醋不太多整體有點淡比較可惜水牛城雞翼配藍芝士,紅椒醬因為朋友怕辣，所以吩咐店員雙醬都分開另上。紅椒醬食落口不太辣，而芝士醬剛剛好配上雞翼入口又幾夾。慢煮燒汁手撕豬肉漢堡豬肉份量頗多，而且燒汁味道香濃。不過要注意過程中豬肉一路食一路跌，因為真係太多啦!原片黑松露煎北海道帶子意大利飯黑松露聞落幾香，而帶子總共有3塊煎得夠香口入味，再配蘑菇汁意大利飯食幾唔錯。岩鹽焦糖配雲呢拿雪榚蜜糖，岩鹽醬同雪榚分開另上，岩鹽醬可以話係整道菜精華。鬆餅切開鬆化，沾上雙醬，牛油同雪榚後非常邪惡!店舖選址合適，而因為太鄰近地鐵站關係，過8點後開始出現人龍。