Video
Read full review
2021-05-26
151 views
疫情期間足不出「港」，唯有喺香港試吓唔同國家嘅美食，治癒唔能夠去旅行嘅心！今晚揀咗尖沙咀赫德道新開嘅地中海餐廳。同一般香港食到嘅西餐有別，鍾情異國風嘅可以嚟試吓！Cosmopolitan $88去酒吧點都要小酌一番！對於不善喝酒嘅我來講，呢杯酸甜微澀嘅經典調酒係好選擇。柑橘味清新，唔會太果汁，又唔會太藥水！白酒汁煮青口 $78幾十蚊就有10隻，係抵食嘅餐前小吃！蕃茄係地中海國家常吃嘅蔬果之一，煮海鮮都唔例外。藍青口尺寸小巧，肉質軟嫩。平時食嘅白酒青口多數用忌廉汁，呢度選用蕃茄仔，酸酸甜甜更開胃。附送嘅蒜蓉包撕成小蘸湯汁食，濕軟可口。海鮮拼盤串燒 $188品嚐地中海菜，海產當然係主角！店員推介果然有特色，三文魚塊、吞拿魚塊同埋大蝦串成嘅大型串燒好有睇頭！食材新鮮，本身沾有buffalo wing嘅水牛城辣醬，唔洗額外點醬汁已經好好味。間住嘅三色椒同埋洋蔥清甜解膩。放入口袋形狀嘅烤皮塔餅又係另一種食法，煙煙韌韌好有咬口，適合鍾意麵包嘅朋友！海鮮扁意粉 $138望落冇乜特別，點知味道有驚喜！吞拿魚、魷魚、青口、大蝦等海鮮樣樣新鮮。意式番茄醬加埋羅勒同埋大量魚碎，醬汁鮮味！帕芙洛娃鮮果蛋白餅
Cosmopolitan $88
去酒吧點都要小酌一番！對於不善喝酒嘅我來講，呢杯酸甜微澀嘅經典調酒係好選擇。柑橘味清新，唔會太果汁，又唔會太藥水！
白酒汁煮青口 $78
幾十蚊就有10隻，係抵食嘅餐前小吃！蕃茄係地中海國家常吃嘅蔬果之一，煮海鮮都唔例外。藍青口尺寸小巧，肉質軟嫩。平時食嘅白酒青口多數用忌廉汁，呢度選用蕃茄仔，酸酸甜甜更開胃。附送嘅蒜蓉包撕成小蘸湯汁食，濕軟可口。
海鮮拼盤串燒 $188
品嚐地中海菜，海產當然係主角！店員推介果然有特色，三文魚塊、吞拿魚塊同埋大蝦串成嘅大型串燒好有睇頭！食材新鮮，本身沾有buffalo wing嘅水牛城辣醬，唔洗額外點醬汁已經好好味。間住嘅三色椒同埋洋蔥清甜解膩。放入口袋形狀嘅烤皮塔餅又係另一種食法，煙煙韌韌好有咬口，適合鍾意麵包嘅朋友！
海鮮串燒
3 views
0 likes
0 comments
海鮮扁意粉 $138
望落冇乜特別，點知味道有驚喜！吞拿魚、魷魚、青口、大蝦等海鮮樣樣新鮮。意式番茄醬加埋羅勒同埋大量魚碎，醬汁鮮味！
帕芙洛娃鮮果蛋白餅 $68
私心推介，香港好少地方有得食㗎 ！棉滑挺身嘅忌廉發打得剛好，包裹住鬆化嘅蛋白餅，多重口感！上面鋪上酸酸甜甜嘅新鮮水果，包括藍莓、士多啤梨同埋熱情果，好有夏日嘅感覺！稍甜但係食落幸福感滿分，甜品迷一定會食唔停口。隻碟上臺嘅時候凍冰冰減慢融化，小心思值得一讚！
蛋白餅
7 views
0 likes
0 comments
Post
