粉紅水門雞 (衍慶街) (Closed)

由於完全冇受惠於屯馬綫，喺鑽石山落車都仲要行過嚟一段路，所以有排冇嚟新蒲崗。嚟親就係當weekend城市遊，發掘吓隱世美食有間似係後生仔開嘅海南雞專門店，位置噏耷，size細粒，性價比偏偏超高一份雞飯$40有找，飯量超多，仲要係油飯雞肉唔少，而且夠嫩，點埋醬食已經好南洋feel仲有個飯寫住grandma嘅味道，令大胃好奇到忍唔住嗌返份，食落先知原來係巴東牛肉飯，超好味呀，係大胃兒時食過嘅味道，同埋$36呢個價係impossible，點做到㗎？小食都超抵，廿蚊雞都唔使就有份超多鳳爪嘅沙律，加咗大量蔥、洋蔥同西芹，辣得嚟又好清新木瓜沙律亦係大大份，切絲幼細，咬落仍然爽口甜品食芒果糯米飯都係必食，飯底鴛鴦黑白，煮得啱啱好，冇一粒米係生，芒果又好甜，唔食對唔住個胃大胃都明嘢食太平，冇餐飲係可以理解，但$8一大樽冷泡茶又係咩玩法？抵到爛喎，而且唔覺佢冇溝好多水，茶味足以解辣，睇嚟只有遠離地鐵先可以做到呢個價