榮川日本料理 (Closed)

今日約左幾個舊朋友來飯局，估唔到呢度價錢唔平但都好多人來。我地卜左房，地方幾正斗，呢度係正宗的tatami，係沒有窿在檯底的，所以大家一係盤膝一係就跪。呢度而家刺身做緊半價，不過今日就個個都食定食，我的刺身定食有六、七款刺身，如甜蝦、池魚、北寄貝、八爪魚等，不屬貴價野但都很新鮮；飯是錦字米，黏性十足，好味；隔離朋友吃的是日替之便當，是燒三文，佢話味道都唔錯；另外豬肉生薑燒就一般，炸生蠔定食就都食得過。大家的定食由百一蚊起，我的刺身定食最貴要百六蚊，以價錢來說都交足功課，加上地方好坐，不介意貴一點的話是不錯的選擇。題外話：坐房要除鞋，所以唔好著穿窿襪。