山景閣

Open Now

Now Closed

口痕痕想食自助餐，任食蟹腳同生蠔，結果搵到呢一間位於天文台道嘅酒店自助餐。飲品方面選擇有咖啡，茶，啤酒。海鮮有基本嘅青口，海蝦，蟹腳，生蠔，而且仲有花蟹。生蠔已經預先拆好，唔使排隊就有得拎，隻隻都好大隻，幾新鮮同埋有海水味。刺身唔多選擇，但係三文魚幾肥有油香。生滾粥非常足料，入面好多花蟹嘅肉同埋殼。每位都會送燉湯胡椒豬肚湯，胡椒味好重。西冷牛扒軟熟同有肉味。比較少見嘅炸鯪魚球，蟹鉗。呢度冇燒味，不過有海南雞。甜品都有唔同嘅款式，雪櫃有無限Dreyer’s 雪糕，開心果味值得推薦，同埋八點鐘有即整班戟，師傅會包忌廉同埋生果。佢仲有一部自製Pancake機，效果比較厚，適合落糖漿。