Video
Read full review
2016-05-31
1822 views
傷感的回歸日假期，依家香港污煙障氣有咩席得去慶祝呢？不過有假期總比無假期好。難得有朋友仔陪我食飯，初嚐梳乎里，屋企對面夠晒近。嘴嚼下個 menu 先，菜色種類繁多，我想食龍蝦餐，點知 lunch 唔供應，只在晚市提供，勁失望 ﹗想食好少少都唔比。無龍蝦食，烚時間唔知食咩好。見個個食客都 set lunch，我都唯有隨波逐流矣 ﹗牛扒、雞扒、石斑都一齊悶死，有無特別一點食材選擇呢？發現個蟹肉意粉喎，幾別出心裁，試試。環顧四周，舖位地方比較細，檯都放得密麻麻的，同隔離只有幾 cm 距離，沒有私人空間啊，都係發訊息穩陣喇。蒜蓉包，嘩 ﹗居然熱辣辣，燙手添呢。非常寬卓完全唔孤寒搽左勁多又勁厚牛油同蒜蓉，香氣充滿整個空間，芬芳無比 ﹗焗得香脆誘人，食落有仲有點似奶油豬既 feel。我一向都少食包，但依個堅好味，要食晒去 ﹗龍蝦湯，麻麻地一般，幼滑欠棒、香氣欠棒，而且有少少澀味呢。紐西蘭肉眼扒配自家製肉汁跟意粉，朋友仔好利害，再加炸薯條及酥皮龍蝦湯。無緊要，食得是福，隨便食，最緊要開心。自家製肉汁？咩黎架？打錯字麻？一心試住食牛扒 5 成熟夠穩陣，不幸地乾硬鞋三合一有齊，牛味就非常濃郁喇。炸手切薯
無龍蝦食，烚時間唔知食咩好。見個個食客都 set lunch，我都唯有隨波逐流矣 ﹗牛扒、雞扒、石斑都一齊悶死，有無特別一點食材選擇呢？發現個蟹肉意粉喎，幾別出心裁，試試。
環顧四周，舖位地方比較細，檯都放得密麻麻的，同隔離只有幾 cm 距離，沒有私人空間啊，都係發訊息穩陣喇。
蒜蓉包，嘩 ﹗居然熱辣辣，燙手添呢。非常寬卓完全唔孤寒搽左勁多又勁厚牛油同蒜蓉，香氣充滿整個空間，芬芳無比 ﹗焗得香脆誘人，食落有仲有點似奶油豬既 feel。我一向都少食包，但依個堅好味，要食晒去 ﹗龍蝦湯，麻麻地一般，幼滑欠棒、香氣欠棒，而且有少少澀味呢。
紐西蘭肉眼扒配自家製肉汁跟意粉，朋友仔好利害，再加炸薯條及酥皮龍蝦湯。無緊要，食得是福，隨便食，最緊要開心。自家製肉汁？咩黎架？打錯字麻？一心試住食牛扒 5 成熟夠穩陣，不幸地乾硬鞋三合一有齊，牛味就非常濃郁喇。
炸手切薯，我一向都不太喜歡食薯條，試一兩條無妨。驚喜的好味道，外脆內嫩夠高質，鮮味出眾。外面炸得金黃香口，而裡面薯仔肉軟棉棉又濕潤，味道調得剛好，加埋茄汁一齊食，酸酸甜甜非常美味 ﹗
蟹肉伴意式青瓜配羅勒忌廉汁絲帶闊麵，救命 ﹗剛才炸薯條就驚喜，依家就輪到驚嚇喇 ﹗味淡如水，無味到不得了。蟹肉還蟹肉、意粉還意粉，求其撈在一起出貨。只係嘗到青瓜奶水味道，無蟹肉味、無羅勒味、無忌廉味，整個醬汁質感完全係水汪汪，真係好難食 ﹗立刻要出動辣椒仔救亡。絲帶麵好得意又好有趣，口感真係似食緊絲帶喎，無味道既絲帶？連蛋香、麵香都沒有。
煙肉卡邦尼意粉，真係卡邦尼？莫非係秘傳上水 style？謙謙請速遞份真卡邦尼扁意粉黎上水救救我啦！整個意粉淡而無味，無蛋香、無忌廉香，唯獨煙肉碎煎得香口嚥韌。
牛肝菌忌廉湯，香甜濃郁，菌味出眾好好味喎，飲完餘香還久久不散！如果質感厚一點就更好，依家感覺太水汪汪。
蒜片辣椒乾炒意粉，個賣相連香味都十足十叉燒炒意既？哈哈，好可愛呀！全熟意粉乾爽微彈，捲起乾辣椒及蒜片一齊食，味道沉實不花巧，不錯不錯，夠香口惹味！美中不足就梗係有點單調感覺。
蒜蓉包
92 views
0 likes
0 comments
紐西蘭肉眼扒配自家製肉汁跟意粉
67 views
0 likes
0 comments
炸手切薯
41 views
0 likes
0 comments
蟹肉伴意式青瓜配羅勒忌廉汁絲帶闊麵
38 views
0 likes
0 comments
煙肉卡邦尼意粉
39 views
0 likes
0 comments
牛肝菌忌廉湯
24 views
0 likes
0 comments
蒜片辣椒乾炒意粉
40 views
0 likes
0 comments
Post
