六記

Open Now

Now Closed

今日去左搵一個住青衣既朋友仔，佢介紹左附近一間道地大排檔一齊食晚飯，雖然話大排檔，但原來室內都有幾枱座位，座位寬闊，冷氣充足，坐得幾舒服！入座後可以用QR code 自助落單，好多款菜式揀，我地叫左招牌菜雞煲同幾款小菜送飯！先嚟咗冰凍可樂同埋啤酒，炎炎夏日消暑一流！ 然後就係招牌馬拉盞炒通菜， 一上枱已經聞到好香，味道好得！除咗菜，我地仲叫左以下幾款：六記招牌雞煲（半隻）： 可以揀不同辣度同麻度，朋友唔太食辣，所以我哋揀咗小辣小麻，仲送生菜，好惹味！五柳黃花魚：睇到賣相已經好開胃！黃花魚炸得香噴噴，外脆內滑，好好食！咁樣整法，一d腥味都冇！好推介！上湯菲菜水餃：好大隻，大過隻匙羹，好足料！鹹菜胡椒豬肚湯： 估唔到咁大煲，個湯好夠味，豬肚好腍，而且加埋鹹菜同枝竹，一邊食雞煲一邊飲下胡椒湯，呢個配搭都幾新鮮！