正宗文記小食車仔麵

Open Now

Now Closed

街邊檔既車仔麵，望落算衛生，老闆好健談，好好人。舖頭沒有室內位置，舖頭外附近位置有幾張摺檯，客人如要堂食，可以在此享用。《$49 4餸車仔麵》⭐️⭐️⭐️4餸 - 豬紅，生菜，牛丸，鴨胸 配 幼薯粉湯底選了牛腩汁，味道不是太濃郁，但飲完唔會太口渴，不過不失。豬紅比得幾多，洗得乾淨，沒有腥味，生菜爽口，幼薯粉相當滑身，份量亦足。牛丸鴨胸則是普通街市急凍品，沒有特別。4餸 - 牛肚，牛腩，漢堡扒，芝士腸 配 米粉湯底同樣選了牛腩汁，少辣，湯底唔確喉，但唔算濃郁。牛腩炆得好淋，好入味，值得一讚，其他配料都是普通沒有特別。《$18 沙嗲汁牛柏葉》⭐️⭐️⭐️一塊牛柏葉剪成3份，盡量同街邊食串燒牛柏葉差唔多，沙嗲汁幾香，顏色似溝左好多花生醬，小食來說算不錯，如果份量可以再多點就更好。《$30 秘製辣魷魚》⭐️⭐️⭐️⭐️聽老闆極力推介魷魚，話係品牌魷魚，就叫黎試下。辣度大約等於麥記脆香雞翼，唔算好辣，但聞落好香，好入味。魷魚食落仍然爽口彈牙，值得一推。