馬六 (Closed)

呢間餐廳主打星馬菜式，好多地區都有分店，路過彩頤花園都有一間入嚟食個Lunch, 2點後仲有下午茶餐，超抵食。「新加坡大蝦喇沙米線」湯底微辣好惹味，蝦肉已剝殼...好貼心。啱哂我呢d懶剝殼又想食蝦。配上魚蛋同豆卜，索哂湯底好正。「馬六無骨海南雞飯」海南雞啖啖肉，完全無骨，仲好嫩滑。配上三種醬料 + 雞油飯，再飲啖冬瓜湯...正「馬來街頭雞肉串」難以抗拒嘅串燒，雞肉都幾有份量，辣辣地「羅惹參塔啦啦」見個名咁特別又叫嚟試下，原來係加咗醬汁炒嘅蜆呀，味道勁濃郁，蜆肉新鮮，隻隻完整又飽滿。「椰子班蘭冰」炎炎夏日一定要飲，綠色嘅班蘭加入椰汁，凍冰冰好消暑。「香茅橙茶」味道同賣相都加分，大大片鮮橙肉，Yummy