茶咖里

Open Now

Now Closed

今日同屋企人黎試新野，因為我同媽咪鐘意食西餐，但爸爸又熱愛港式食物，所以選擇左呢間fushion餐廳。👍忌廉湯牛肉意粉配火腿蛋多士屋企個細路點左常餐，我偷飲左個湯同意粉，湯香濃、意粉爽口。其他正常。👌滑蛋叉燒飯、滑蛋牛肉飯兩者燒汁稍甜，有飯香、蛋滑。👌三文魚沙律配多士三文魚一啲都唔少，賣相一流。但可惜沙律菜一啲都唔新鮮、亦唔夠爽脆。估唔到奶茶勁香。👍牛油果牛扒菠蘿包好食，牛肉juicy配上牛油果香，加上脆甜既菠蘿包，好正！加上自己落既芥末同茄加，仲配上薯片，呢個價錢真係好抵食。🤔 是日午餐 - 茄汁牛尾燴飯我係好鐘諗食呢個飯，無論邊間餐廳，只要有呢個飯，我必點。可惜個汁係茄汁得黎好酸同稀。而且唔係燴飯，而係煎左個牛尾，約個汁淋上去，完全唔係個回事，勁失望😭其實我應該點All Day Breakfast... 因為我唔係食緊佢出名既野。最得意係自己用app點單，減少因溝通出現點錯野既情況，好好玩。