Video
Read full review
2015-04-07
1191 views
今次專登約左個同我一樣迷戀泡菜國既fd入到東涌咁遠, 黎試下食呢間位於街市入面既韓式小店 呢間小店既野食, 都有種正宗韓國野食既感覺 而食得平定貴, 就睇下你叫啲咩食喇 我地叫既壽司同炸醬麵 都勁有韓風feel (因為壽司用左剔紙包好, 而炸醬麵就係一堆黑麻麻既醬喺上面, 同running man or 韓劇主角食既係一樣架xd ) 壽司 我記得入面有牛膀同醃蘿蔔, 感覺食落好爽口 清新, 的確同日式壽司大大不同而炸醬麵呢 入面有啲洋蔥同唔知咩肉(太黑 睇唔到 ) 食落甜甜地啦 無想像中咁好食另外我覺得最好味既就係呢個海鮮薄餅喇 煎到好脆 另外仲可以點少少碟旁邊既辣椒豉油 更加正 食韓國野, 當然唔少得叫炒年糕啦 等緊老闆炒既時候 佢有問我地食得辣唔辣 我話麻麻地食得辣 佢就落少左辣醫 好貼心呢 碟年糕原來唔只得年糕咁簡單架 入面仲有啲蘿蔔 魚糕 洋蔥 同類似河粉既物體 都唔錯既 年糕煙煙unun咁 口感幾好 但我依然覺得辣 朋友就覺得ok (老闆話佢落辣醬 已經比平時落少左好多 真正韓國嗰啲係辣好多xd)總括黎講, 大部分野都唔錯既 好地道 值得一試PS 店入面既員工同老
呢間小店既野食, 都有種正宗韓國野食既感覺 而食得平定貴, 就睇下你叫啲咩食喇
我地叫既壽司同炸醬麵 都勁有韓風feel
(因為壽司用左剔紙包好, 而炸醬麵就係一堆黑麻麻既醬喺上面, 同running man or 韓劇主角食既係一樣架xd )
壽司 我記得入面有牛膀同醃蘿蔔, 感覺食落好爽口 清新, 的確同日式壽司大大不同
而炸醬麵呢 入面有啲洋蔥同唔知咩肉(太黑 睇唔到 ) 食落甜甜地啦 無想像中咁好食
另外我覺得最好味既就係呢個海鮮薄餅喇 煎到好脆 另外仲可以點少少碟旁邊既辣椒豉油 更加正
食韓國野, 當然唔少得叫炒年糕啦 等緊老闆炒既時候 佢有問我地食得辣唔辣 我話麻麻地食得辣 佢就落少左辣醫 好貼心呢 碟年糕原來唔只得年糕咁簡單架 入面仲有啲蘿蔔 魚糕 洋蔥 同類似河粉既物體 都唔錯既 年糕煙煙unun咁 口感幾好 但我依然覺得辣 朋友就覺得ok (老闆話佢落辣醬 已經比平時落少左好多 真正韓國嗰啲係辣好多xd)
總括黎講, 大部分野都唔錯既 好地道 值得一試PS 店入面既員工同老闆時不時都用韓文傾計, 令成件事更有地道風味
Post
