Bravo Latata (Closed)

希望所有服務行業人員明白，給客人的第一個印象是可以決定佢會唔會幫襯你。見呢間食評唔錯所以一路都好想去試吓。嗰日下午三點過啲到，一入去有幾個侍應只係呆望住我，沒有任何打招呼或迎接意圖，幾秒後其一位終於出聲以大牌檔式語氣講咗三個字：「柵門啦！」成功地喺我一入呢間餐廳頭幾秒給我有如自己犯了大錯的感覺（講真，如果我去嘅係大牌檔，我真係一啲都唔會介意)。唯有轉頭出門口，才見到門口有一個細牌例出lunch時間啱啱過。如果掉轉係我，我會用友善語氣講：「歡迎光臨，不過唔好意思我地lunch啱啱完，歡迎你下次再嚟，可以打電話俾我哋訂位...」「柵門啦！」係我得到嘅第一個印象，就算佢哋嘅食物係幾好，又或者服務其實係幾好都好，我諗我無緣知道，因我唔會再去。