Video
Read full review
2023-04-28
163 views
嗰日行去Donki，突然之間發現原來有間壽司。上網一睇先發現原來都開咗一段日子，唔知點解嚟咁多次一直都冇留意到。反正就係嗰次見到之後就記住左佢。-話說嗰日我個friend約我出去食 #壽司郎 結果我哋發現每間分店都等緊二百幾個numbers…放工咁肚餓嘅我根本冇辦法可以等😭所以我哋決定求其搵間壽司食，然後就去咗呢間唔使等位嘅 #鮮選壽司 講真去到門口嘅時候差啲唔敢入去，星期五嘅晚市時段竟然唔使等，仲要有咁多位…我哋本住試伏既心入咗去….餐廳嘅設計好簡單，一坐低就覺得好舒服。我哋兩個人坐緊一張可以六個人坐嘅枱，即刻印象分+100… 唔知點解每次同呢個friend去食嘢都係伏…所以我哋今次叻左，第一輪叫嘢食嘅時候只係叫幾件試吓先，如果唔好食嘅話就即刻走人去第二間。😂😂😂😂上菜嘅時候見到啲壽司賣相都幾靚，OK加多50分。咁肚餓嘅我哋梗係即刻試吓啦，食落又真係OK喎…我哋諗唔明點解完全冇人等位（唔知係咪大家都覺得比貴咗既價錢食Donki外賣壽司好唔抵？）不過都唔係呀，佢哋始終都係喺廚房入面整，起碼唔係擺咗雪櫃一段時間啦 同埋仲要坐得舒服喎..-不過平心而論佢哋嘅選擇係比較少，同埋價錢都唔係話十
-
話說嗰日我個friend約我出去食 #壽司郎 結果我哋發現每間分店都等緊二百幾個numbers…放工咁肚餓嘅我根本冇辦法可以等😭所以我哋決定求其搵間壽司食，然後就去咗呢間唔使等位嘅 #鮮選壽司
講真去到門口嘅時候差啲唔敢入去，星期五嘅晚市時段竟然唔使等，仲要有咁多位…我哋本住試伏既心入咗去….
餐廳嘅設計好簡單，一坐低就覺得好舒服。我哋兩個人坐緊一張可以六個人坐嘅枱，即刻印象分+100…
唔知點解每次同呢個friend去食嘢都係伏…所以我哋今次叻左，第一輪叫嘢食嘅時候只係叫幾件試吓先，如果唔好食嘅話就即刻走人去第二間。😂😂😂😂
上菜嘅時候見到啲壽司賣相都幾靚，OK加多50分。咁肚餓嘅我哋梗係即刻試吓啦，食落又真係OK喎…我哋諗唔明點解完全冇人等位（唔知係咪大家都覺得比貴咗既價錢食Donki外賣壽司好唔抵？）不過都唔係呀，佢哋始終都係喺廚房入面整，起碼唔係擺咗雪櫃一段時間啦 同埋仲要坐得舒服喎..
-
不過平心而論佢哋嘅選擇係比較少，同埋價錢都唔係話十分平。如果你願意等壽司郎嘅話，咁佢都真係完全冇可比性嘅。
-
之後隔咗個幾月我都有再去多一次，假期食飯時間完全搵唔到位，呢間都真係一間好好嘅選擇。
-
壽司嘅嘢不嬲都係你比咩價錢就食咩質素，所以以下既✅✅❌❌都係根據「如果有一日我再去食，我會唔會再叫」
✅火炙鰭邊 $28 我唔介意淨係嚟食呢個
✅三文魚壽司拼盤 $38 鍾意食三文魚嘅都幾抵食
✅茶碗蒸 $28 夠晒熱 唔太鹹 冇記錯啲餸都幾豐富
✅山葵八爪魚 $7 我鍾意食
✅吞拿魚他他 $18 油脂唔夠多但係過下口癮好開心
✅飛魚子壽司 $10 我鍾意食
✅燒三文魚腩 $48 夠晒肥 比我想像中好食 有驚喜
🆗藍鯨吞拿魚大拖羅 $48 唔係唔好食 只係同我平時食開嘅大拖羅有出入 如果要過口癮嘅話 應該唔使叫呢個 中拖羅都夠喇
🆗鯛魚壽司 $28 冇咩味
🆗油甘魚壽司 $28 冇咩味
❌貝類手握壽司三貫 $38 唔夠爽口有啲啲腥
❌鰻魚壽司 $10 食落冇咩味我都唔知自己食緊鰻魚
❓味付腐皮 $7 我覺得呢樣嘢好奇怪所以我冇食lol
👥適合人數：啲枱好大張 又唔使等位我覺得幾多個人都冇咩所謂
-
💰人均消費：食壽司不嬲都係豐儉由人 我兩個女仔去食大概人均食咗$250左右
-
⏰幾時食好：去食飯搵唔到位嗰陣
-
🚪環境：空間感好大，枱好大，冷氣都好大。第二次去我個friend覺得佢個廚房有啲好嘈嘅機械聲，我個人嚟講覺得還可以接受。
-
📍地理位置：#銅鑼灣站 E出口行2分鐘，惠康後門隔離DONKI一樓，logon 對面
10 views
0 likes
0 comments
12 views
0 likes
0 comments
11 views
0 likes
0 comments
6 views
0 likes
0 comments
5 views
0 likes
0 comments
2 views
0 likes
0 comments
1 views
0 likes
0 comments
Post
