北海道食堂 (Closed)

出左糧就緊係要食好西啦。自己住果區就冇放題餐廳，咁就一於去其他區覓食，揀北海道食堂就係因為佢位置方便北海道食堂個廚房分左入面同外面，外面個廚房係負責鐵板燒既，客人可以隔住塊玻璃睇住廚師整鐵板燒。隔離就有汽水櫃，提供凍同唔凍既飲品，重有啤酒添。 甜品方面就有個雪糕櫃放左雲呢拿同芒果味既雀巢雪糕杯同雪米滋。今晚餐廳未滿座，獲安排坐4人座位，感覺舒服又闊落，裹面都幾乾淨。我地2個人揀左「極盛放題」，可以食2.5個鐘，重有鐵板大蝦送因為胃口細左，所以落order既時候都係1至2件咁落，最怕自己眼闊肚窄但係幫我地落單既waitress 就有問我地係咪真係落咁少 因為份量少會麻煩左個廚師煮，但係冇計啦，怕食唔晒會浪費！餐廳上菜速度正常，完全冇漏單。一開始就梗係叫左刺身先，味道正常，最滿意就係有帶子刺身，因為唔多放題有，同埋佢刺物選擇都好多下，但係就冇之前食評所講既厚切啦冇叫過火鍋，反而最有驚喜係鐵板燒。尤其是鐵板鵝肝，羊架，廣島蠔，帶子，三文魚同蝦。全部都即燒即上菜，好有鑊氣！ 蠔同帶子重係半生熟，鎖住晒佢裹面既汁同鮮味。餐廳送既鐵板蝦係最大最好食既好新鮮彈牙見鐵板咁好就諗住試埋個炒飯，點知就一般