意粉屋 (Closed)

第一次食意粉屋既芝士火鍋，侍應話兩個人淨食會唔夠飽，就叫多左個意粉，點知最後都食唔晒！講返芝士火鍋，我地揀左傳統芝士湯底，其實仲有蕃茄同黑松露，但都係覺得最傳統的比較好。配料可選海鮮或牛肉，因為肚子唔爭氣，所以都係食牛肉比較穩陣。火鍋包括一大碟配料，一籃麵包同一碗墨魚麵。配料除左主角牛肉，仲有雞肉，冬菇，本菇，蘑菇，意式肉腸等，二人份量剛好。初時都怕啲芝士湯煮唔熟啲食物，好彩送來的肉類都已經是半熟，所以只需稍微加熱就食得！芝士湯煮滾後質感濃稠，香噴噴的，用麵包同配料沾上簡直係人間極品，亦唔會覺得好漏！呢度坐既環境唔錯，好適合傾心事，侍應態度良好，食物質素亦幾好，係要去商場厠所就麻麻地喇！最後都要多謝好朋友請我食生日飯！