意粉廚房

Open Now

Now Closed

大熱天時，烈日當空，搵野食已經唔敢太高要求，最緊要係冷氣夠，但求舒舒服服食個晏。今日揀左間酒店入面嘅「意粉廚房」，午餐都算多人，但唔使畀人趕，價錢貴少少(相比於茶記)，其實都算十分唔錯。前幾日食得重口味左，今日決定揀個淡些少嘅黑松露油帶子波菜麵，貪自己響屋企一定唔會煮。個麵硬度適中，而份量十足，個汁就更加清清地，啱晒今日嘅口味，估唔到嘅係，帶子都有D「新鮮感」，唔似得有D食肆咁「粉狀」味，響食普通的西餐黎講，算得上係中上；混埋落個汁過, 而且餐湯, 餐飲任飲, 真係一個口味唔差嘅午餐。坐得舒適，食雖然未算招積，但亦已相對超值。睇黎呢個夏天，午餐食堂張List要加多間了。