Video
Read full review
2017-02-23
1457 views
果晚突然好想食牛扒，經男朋友媽咪推介去左outback食晚餐。我咁大個女第一次食outback，周邊啲朋友一向都話好食，點知今次竟然大失所望！呢到環境係唔錯既，當晚多人我又餓，唔想等之下揀左坐bar台，對住部大電視我男朋友睇波都睇得幾開心既～而正正因為坐bar台，我先感受到staff服務幾咁「好」！先黎點餐，侍應哥哥好好咁建議我地食original 既牛扒，咁我第一次食，就想問清楚究竟同平時煎牛扒有咩分別啦，點知佢講極都講唔到重點..我就算啦既然佢推介，當試下新野～一開始黎左餐包，冇味唔熱唔好食好快就黎左個餐湯，好味！好香蘑菇味，湯身都「傑」～然後先黎左牛扒，一黎到嚇親我...我完全冇expect到係粉紅色既牛扒..我平時食開5成熟，都會食他他，但呢個牛扒煮法既口感我真係唔係好接受到，重點係因為我冇辦法理解侍應哥哥既解說令我誤點呢個煮法，令我覺得有啲嬲～值得一讚既係佢個sauce，可以成功隔走牛既生味，但本身個sauce陣味有啲似雞精...再黎沙律，味道正正常常，覺得sauce可以多少少調味，菜同蝦都新鮮。份量係出奇既多既（我個人覺得通常呢啲餐廳都收salad好貴但份量好少），所以我覺
呢到環境係唔錯既，當晚多人我又餓，唔想等之下揀左坐bar台，對住部大電視我男朋友睇波都睇得幾開心既～
而正正因為坐bar台，我先感受到staff服務幾咁「好」！先黎點餐，侍應哥哥好好咁建議我地食original 既牛扒，咁我第一次食，就想問清楚究竟同平時煎牛扒有咩分別啦，點知佢講極都講唔到重點..我就算啦既然佢推介，當試下新野～
一開始黎左餐包，冇味唔熱唔好食
好快就黎左個餐湯，好味！好香蘑菇味，湯身都「傑」～
然後先黎左牛扒，一黎到嚇親我...我完全冇expect到係粉紅色既牛扒..我平時食開5成熟，都會食他他，但呢個牛扒煮法既口感我真係唔係好接受到，重點係因為我冇辦法理解侍應哥哥既解說令我誤點呢個煮法，令我覺得有啲嬲～
值得一讚既係佢個sauce，可以成功隔走牛既生味，但本身個sauce陣味有啲似雞精...
再黎沙律，味道正正常常，覺得sauce可以多少少調味，菜同蝦都新鮮。份量係出奇既多既（我個人覺得通常呢啲餐廳都收salad好貴但份量好少），所以我覺得都值得試下既～
終極試到佢服務水準既係杯檸檬茶！初頭我同bartender 講我要少冰，但我見住佢倒到成杯滿晒冰再倒茶落去，等佢溶一排先比我...之後我要再次要求少冰佢先幫我整走啲冰～
由於檸檬茶係任添，當我叫佢添果陣，佢竟然只係幫我倒返啲茶落杯(一粒冰都冇添)...我問佢可唔可以比返啲檸檬我，佢先比；我再要問佢拎糖水，佢先比.......好無奈
題外話，之後佢收到order要「針」啤酒，佢「針」到1/3杯都係泡（用緊高杯），經理埋黎叫佢整走啲泡，佢之後唔想做，扮晒拎個杯倒走啲泡但其實冇。之後另一個侍應哥哥冇辦法之下自己走入去自己「針」多次...好希望呢間啲服務可以改進啦～
Post
