Davinci Cook (Closed)

上次同細佬試過坑口村日本美食，見隔離有間西餐廳，細佬當時已經話要試，難得今晚我地都早收工一於就入坑口村試試Davinci Cook。餐廳面積不大，裝修雅致，酒巴置於一傍，店內配以暗暗的燈飾好有情調，可惜係同細佬嚟😂Menu有好多選擇，前菜/沙律/主菜/甜品樣樣都有~款式多岩晒饞嘴嘅細佬。除左主餐牌外還有晚市套餐供應，由於細佬想試小食所以我地就決定散叫喇。檸檬沙冰好清新嘅檸檬味，味道天然，而且酸味突出，有助生津解渴，非常醒胃。Red berries tea滿滿一壺可以飲足一晚，果茶味道酸酸地，散發陣陣果香，同樣好開胃解膩。凱撒沙律沙律菜好新鮮爽甜，面飽烘到有焦香味，醬汁味道不會好濃，更能突出沙律菜的鮮味👍車打芝士焗松露薯條松露和芝士配搭好夾，松露的香味加上芝士綿軟的口感包圍住脆香薯條同吃，感覺吃多都不會膩。香茅雞翼雞翼炸得好好，皮脆肉嫩，一咬會聽到嗦嗦聲，而雞肉仍然能保持嫩滑多汁，香茅味出，配辣蕃茄醬吃就有另一番感覺，好惹味😍加拿大頂級穀飼豬扒好靚嘅擺碟，豬鞍放係烤雜菜上，豬鞍好軟淋，有肉味而不會有肉臊味，有芥末及果醬兩款醬汁，我喜歡點果醬，甜甜的果味和豬肉好夾。烤雜菜烤得好香而不乾身👍