堅信號上海生煎皇 (淘大商場2期)

Open Now

Now Closed

同朋友興起想食生煎包，上海野，就搵到附近有呢間堅信號，喺門口探完熱同埋消毒完雙手之後好快就有得入座仲有口罩袋提供俾你暫時袋住個口罩，好細心晚市有套餐可以選擇，仲要係有折扣優惠，可以平得來又試到多啲嘢，十分推介！今次嘅主打生煎包，一份有四個，外層皮唔會太厚太乾身，上枱時個溫度都夠晒熱，唔會凍咗覺得唔好食。入邊舊肉夠大小適中，唔會細細粒，而且味道都好有肉味，唔係得陣粉味，而且好多湯，果然係一個好嘅生煎包！ 套餐嘅蠔油生菜，蠔油唔會太多太鹹，生菜夠新鮮，最緊要冇青味，夠晒營養均衡，唔會剩係得肉同埋澱粉！京蔥牛肉菜飯，京蔥牛肉好有驚喜，每舊牛肉都好多汁好入味，用黎送飯一流，菜飯亦都好入味，唔會覺得菜同飯係分開，兩者好夾。