八合目居酒屋

Open Now

Now Closed

今晚探完病, 晚飯堅尼地城食; 呢間係地鐵站對面馬路嘅八合目居酒屋, 我地7:30左右已經要排隊入座啦, 好彩等咗一陣就入得! 我地坐喺啲超合金前面, 感覺好有日本色彩, 餐廳新裝修有特色, 牆身有很多模型可以拍照。落單都好方便, 掃下QR code就可以, 串燒、鍋物、壽司、定食、丼飯等都有。月見蔥花牛脷丼我叫咗個燒牛脷丼, 牛脷質素唔錯, 煎得好香口, 都幾厚身, 牛味濃郁。菇串燒 (2串)菇串燒, 外層微焦, 內裡依然保持冬菇嘅嫩口。一口咬下, 有燒烤嘅焦香, 又有冬菇特有嘅鮮味, 確實幾正。串燒秋葵 (2串)一串有4條, 秋葵燒完都幾爽口, 口感非常獨特, 外脆內嫩, 簡單嘅調味, 已經令秋葵啲自然甜味更加突出, 面又有啲焦香, 唔錯!餐廳整體環境很好, 餐牌的選擇也非常足夠, 食物整體都幾高質。下次可以試很多人嚟時點啲刺身及其他串燒食物先。