Video
Read full review
2023-10-17
2036 views
終於有機會試到ktown必食嘅「誠記」位於街市熟食中心二樓餐牌睇到眼花撩亂，超級多款配料湯麵、炒麵、炒飯、三文治、包類、飲品最出名係沙嗲牛麵同西多士▶️ 牛筋菜麵 ($38)麵底可揀河粉／公仔麵／幼麵／粗麵／米粉／意粉，揀咗米粉可能本身我唔太鍾意食米粉，覺得唔好食，麵質欠缺咬口同質感，比較易斷，同時掛唔到湯雖然湯底望落唔算清淡，但乏味菜係菜心，份量幾多🥬新鮮翠綠牛筋主要係牛筋腩，質素參差，有啲好黏好淋，有啲偏硬，有啲仲有血色🫢整體欠缺牛味，有啲唔知食緊咩唔推介呢款麵同配料🙅🏻♀️怪我唔識揀▶️ 法蘭西多士 ($18)西多士切開八件，炸到外皮金黃色下面有大量煉奶，上面放上牛油方包本身質感好🍞有啲回彈韌力邊邊位咬落香脆，不過蛋味唔算香點咗煉奶甜甜地，即刻變咗甜品，應該好食過落糖漿牛油雖邪惡🧈但係佢魅力所在美中不足係中間冇花生醬 (不過加埋花生醬真係不得了😂會好漏好滯)▶️ 濕炒豬頸肉河粉 ($47)非常大碟😯上面嘅豬頸肉好大片足料炒得有鑊氣，令我諗返起星加坡熟食市場食嘅炒粿條 雖然係濕炒，但保持到河粉煙韌度而唔係一pat pat味道上啱啱好，唔會太鹹-感覺佢哋嘅炒粉麵飯比較好，三文治望落都唔錯🥪
位於街市熟食中心二樓
餐牌睇到眼花撩亂，超級多款配料湯麵、炒麵、炒飯、三文治、包類、飲品
最出名係沙嗲牛麵同西多士
▶️ 牛筋菜麵 ($38)
麵底可揀河粉／公仔麵／幼麵／粗麵／米粉／意粉，揀咗米粉
可能本身我唔太鍾意食米粉，覺得唔好食，麵質欠缺咬口同質感，比較易斷，同時掛唔到湯
雖然湯底望落唔算清淡，但乏味
菜係菜心，份量幾多🥬新鮮翠綠
牛筋主要係牛筋腩，質素參差，有啲好黏好淋，有啲偏硬，有啲仲有血色🫢整體欠缺牛味，有啲唔知食緊咩
唔推介呢款麵同配料🙅🏻♀️怪我唔識揀
牛筋菜麵
$38
80 views
0 likes
0 comments
▶️ 法蘭西多士 ($18)
西多士切開八件，炸到外皮金黃色
下面有大量煉奶，上面放上牛油
法蘭西多士
$18
82 views
0 likes
0 comments
方包本身質感好🍞有啲回彈韌力
邊邊位咬落香脆，不過蛋味唔算香
點咗煉奶甜甜地，即刻變咗甜品，應該好食過落糖漿
牛油雖邪惡🧈但係佢魅力所在
美中不足係中間冇花生醬 (不過加埋花生醬真係不得了😂會好漏好滯)
▶️ 濕炒豬頸肉河粉 ($47)
非常大碟😯上面嘅豬頸肉好大片足料
炒得有鑊氣，令我諗返起星加坡熟食市場食嘅炒粿條
雖然係濕炒，但保持到河粉煙韌度而唔係一pat pat
味道上啱啱好，唔會太鹹
濕炒豬頸肉河粉
$47
58 views
0 likes
0 comments
-
感覺佢哋嘅炒粉麵飯比較好，三文治望落都唔錯🥪
西多士相對出色(雖然唔算驚艷)，可以一試
環境呢，嚟得熟食中心都唔會有期望，坐得唔擠迫，肉眼望落唔污糟已經OK
服務都係，始終呢個鐘數客人較多，照顧冇咁周到，體諒吓自助啦！
衛生可能差少少🤏🏻牛筋上面有條毛🫣同埋啲碗碟比較油淋淋
望入廚房見到佢哋超忙碌👨🏻🍳成五六個人逼住，每人負責唔同嘢，有啲工廠式feel
性價比…唔可以話好平，三文治包類飲品的確非常抵食，但個湯麵就唔值，炒麵都OK嘅，勝在大份，一定夠飽
算係試過一次，做個貼地foodie🤣
Post
